• Yaratildi: 24.12.2020
• Yangilandi: 25.12.2020
• O'qildi: 1447

Kim vatanga sodiq bo‘lsa, mendirman o‘sha!

Mamlakatimizda “Kim Vatanga sodiq bo‘lsa, mendirman o‘sha!” shiori ostida vatanparvarlik oyligi boshlandi. “Vatanparvarlik oyligi” doirasida  viloyatimizdagi harbiy qismlar va yoshlar o‘rtasida keng ko‘lamdagi targ‘ibot-tashviqot tadbirlari amalga oshirilmoqda.

Navoiy shahridagi “Vatan o‘g‘loni” bolalar va o‘smirlar harbiy-vatanparvarlik tashkilotida Navoiy kon-metallurgiya kombinati va viloyat Mudofaa ishlari boshqarmasi hamkorligida maʼnaviy-maʼrifiy tadbir bo‘lib o‘tdi. Tadbirda tashkilot harbiy kursantlari ishtirok etdi.

Ularga oylik doirasida tayyorlangan videorolik namoyish etildi. NKMK Maʼnaviyat va maʼrifat markazi tomonidan tashkilotga tuhfa etilgan Ikkinchi jahon urushi xotiralari haqidagi “Uyg‘oq xotiralar” kitobi ishtirokchilarda katta taassurot uyg‘otdi.

Bu kabi tadbirlar yoshlarda vatanparvarlik tuyg‘ularini shakllantirish, yurtimizda tinchlik va osoyishtalikni saqlash borasida amalga oshirilayotgan islohotlarni aholiga yetkazishda muhim ahamiyat kasb etishi shubhasiz.

NKMK Matbuot markazi.