• Yaratildi: 16.08.2022
• Yangilandi: 25.05.2023
• O'qildi: 17288

Atrof-muhit muhofazasi

Ekologik masʼuliyatga rioya qilish konchilik sanoatidagi har bir zamonaviy kompaniyaning asosiy majburiyati hamda "Navoiy kon-metallurgiya kombinati" aksiyadorlik jamiyati biznes strategiyasining ajralmas qismidir.

Foydali qazilmalarni qazib olish atrof-muhitga sezilarli taʼsir ko‘rsatsada, biz faoliyatimizning atrof-muhitga taʼsirini boshqarish va kamaytirishga intilamiz. Bizning yondashuvimiz salbiy oqibatlar havfini kamaytirishga va kombinat bo‘linmalari faoliyat yuritayotgan hududlarda barqaror muhitni yaratishga qo‘maklashishga qaratilgan. Biz resurslar va energiyadan barqaror foydalanishning eng yuqori standartlarini qo‘llaymiz, chiqindilarni qayta ishlash va kamaytirish, yerlarni saqlash ustida ishlaymiz. Bu nafaqat kombinat bo‘linmalari faoliyat yuritayotgan hududlarda aholi farovonligi hamda ekotizimlarni muhofaza qilish va qo‘llab-quvvatlash uchun shart sharoit yaratadi, balki ishlab chiqarish xarajatlarini sezilarli darajada tejash va samaradorlikni oshirish imkonini beradi.

 

“NKMK” AJning ekologiya sohasidagi siyosati:

● texnogen omillar taʼsirida atrof-muhitning qayta tiklanish qobiliyatini saqlashni taʼminlash bo‘yicha tiklovchi, profilaktik, texnik va tashkiliy chora-tadbirlarni amalga oshirish;

● ishlab chiqarish faoliyatining atrof muxitga salbiy taʼsirini kamaytirish, ishlab chiqarish obyektlari joylashgan hududlarda bioxilma-xillikni saqlash.

“NKMK” AJning atrof-muhit muhofazasiga qaratilgan maqsadlari:

● atrof-muhit ifloslanishining oldini olish;

● texnogen taʼsirdan zararlangan yerlarni qayta tiklash;

● moddiy, energetik, texnik, ekologik va moliyaviy resurslar sarfini kamaytirgan holda mineral xom ashyodan to‘liq foydalanish;

● favqulodda yoki boshqa ko‘zda tutilmagan vaziyatlar xavfini va ularning oqibatlarini atrof muxitga taʼsirini kamaytirish;

● ISO 14001:2015. halqaro standarti asosida ekologik menejment tizimining samarali ishlashini taʼminlash va takomillashtirish.

Kompaniya tomonidan quyidagi asosiy yo‘nalishlarda atrof-muhitni muhofaza qilish chora-tadbirlari amalga oshiriladi:

● suvni ifloslantiruvchi manbalar monitoringini olib borish;

● atmosfera havosini ifloslantiruvchi manbalar monitoringini olib borish;

● tuproqni ifloslantiruvchi manbalar monitoringini olib borish;;

● yer osti suvlarining ifloslanishining monitoringini olib borish.

 

Iqlim o‘zgarishiga qarshi kurash va iqlim xatarlarini samarali boshqarish doirasida kombinat tomonidan issiqxona gazlari chiqindilarini kamaytirish, xususan qayta tiklanmaydigan manbalardan energiya isteʼmolini kamaytirish bo‘yicha ishlar olib borilmoqda. Amalga oshirilayotgan chora-tadbirlar dasturi doirasida energiyani ko‘p talab qiluvchi tarmoqlarni modernizatsiya qilish va energiya samaradorligini oshirish bo‘yicha ishlar olib borilmoqda, muqobil va qayta tiklanadigan energiya manbalaridan foydalanish xam joriy etilmoqda.

NKMKda “yashil energetika” yo‘nalishida keng qo‘lamli ishlar olib borilmoqda, shu jumladan, bugungi kunda quyidagilar amalga oshirildi:

- yiliga 57,9 mlrd so‘mlik elektr energiyasi isteʼmolini tejashni taʼminlovchi 2 ta reaktiv quvvat manbalari joriy qilindi;

- yiliga 335 ming kVt*soatiga elektr energiyasini ishlab chiqaradigan umumiy quvvati 210 kVt bo‘lgan 4 ta fotoelektrstansiyalari ishga tushirildi;

- issiq suv taʼminoti uchun gelio qurilmalari joriy etildi;

- 200 MVt quvvatga ega fotoelektr stansiyasini qurish masalasi ishlab chiqilmoqda;

- tog‘ jinslarini davriy oqim texnologiyasi bo‘yicha tashish ulushini oshirish masalasi ishlab chiqilmoqda;

- ochiq konchilik ishlarida kon massasini tashish uchun trolleyvoz - og‘ir yuk tashuvchi samosvallardan foydalanish masalasi ishlab chiqilmoqda.