• Yaratildi: 14.10.2020
• Yangilandi: 25.12.2020
• O'qildi: 1261

Kombinat bo‘linmalarida “O‘zbek tili bayrami kuni”ga bag‘ishlangan tadbirlar

Mamlakatimizda o‘zbek tiliga davlat tili maqomi berilgan kun – 21 oktabr sanasi “O‘zbek tili bayrami kuni” deb eʼlon qilinganligi munosabati bilan Navoiy kon-metallurgiya kombinatining Markaziy kon boshqarmasiga qarashli Uy-joy kommunal boshqarmasida “Taqdirimsan, tariximsan, kelajagimsan, ona tilim!” mavzusida maʼnaviy-maʼrifiy targ‘ibot tadbiri o‘tkazildi.

Tadbirda kon boshqarmasi kadrlar bo‘limi boshlig‘ining maʼnaviy-maʼrifiy ishlar bo‘yicha o‘rinbosari G‘.Yuldoshev, kon boshqarmasi yoshlari yetakchisi S.Boboyorova, Uy-joy kommunal boshqarmasining maʼnaviy-maʼrifiy ishlar bo‘yicha masʼul xodimi S.Temirov so‘zga chiqib, ajdodlarimizdan meros ona tilimizni ko‘z qorachig‘imizdek asrashga, sofligini saqlashga, uni doimiy ravishda boyitib borishga masʼul ekanligimizni, har birimiz o‘zbek tilini egasi sifatida o‘z ona tilimiz oldida xaqdor ekanligimizni taʼkidlab o‘tishdi.

Shuningdek, tadbirda muallim, noshir, dramaturg, jurnalist, siyosiy arbob Mahmudho‘ja Behbudiyning o‘zbek tili rivoji uchun qo‘shgan munosib hissasi va uning til sofligi masalasidagi fikrlari izohlab berildi.

Tadbir davomida ishtirokchilarning davlat tilida ish yuritish borasidagi savollariga javoblar berildi.

Markaziy kon boshqarmasi axborot xizmati.