• Yaratildi: 13.01.2020
• Yangilandi: 24.12.2020
• O'qildi: 1291

“Vatanparvarlik oyligi” ko‘tarinki ruhda o‘tmoqda

NKMK Ma’naviyat va ma’rifat markazi “Vatanparvarlik oyligi” hamda 14 yanvar – Vatan himoyachilari kuni munosabati bilan kombinat bo‘linmalarida “Vatanparvarlik – milliy yuksalish kafolati!” shiori ostida targ‘ibot-tashviqot tadbirlarini tashkil etayapti.

Ana shu mavzudagi uchrashuvlar Shimoliy kon boshqarmasi, Navoiy mashinasozlik zavodi, “1-gidrometallurgiya zavodi” kon boshqarmasi, Markaziy ilmiy-tadqiqot laboratoriyasi, Ishlab chiqarishni avtomatlashtirish boshqarmasi, NKMK Markaziy moddiy-texnika bazasi, Uy-joy kommunal xo‘jaligi boshqarmasi kabi bo‘linmalarda bo‘lib o‘tdi.

Uchrashuvlarda afg‘on urushi qatnashchilari ham ishtirok etishdi. Tadbirlarda Navoiy davlat konchilik instituti professor-o‘qituvchilari O‘zbekiston Respublikasi Qurolli Kuchlari tashkil topganligining 28 yilligi hamda Vatan himoyachilari kuniga bag‘ishlangan ma’ruzalar bilan chiqishlar qildilar. Ma’ruzalarda mamlakatimiz Qurolli Kuchlarida amalga oshirilayotgan tub islohotlar e’tirof etildi. Yoshlarimizni Vatanga muhabbat, vatanparvarlik ruhida tarbiyalash borasidagi dolzarb vazifalar haqida fikr-mulohazalar bildirildi.

Shu kabi tadbirlar kombinatning barcha bo‘linmalarida uyushqoqlik bilan tashkil etilmoqda.

NKMK Matbuot markazi.