• Yaratildi: 18.04.2024
• Yangilandi: 18.04.2024
• O'qildi: 2009

Navoiy davlat konchilik va texnologiyalar universitetida xalqaro anjuman o‘tkazilmoqda

18-19 aprel kunlari Navoiy davlat konchilik va texnologiyalar universitetida “Zarafshon vohasini kompleks innovatsion rivojlantirish: yutuqlar, muammolar va istiqbollar” mavzusidagi V xalqaro anjuman o‘tkazilmoqda.

Xalqaro anjumanda Germaniya, Rossiya, Qozog‘iston va boshqa mamlakatlarning yetakchi universitetlari olimlari va xorijiy kompaniyalar vakillari ishtirok etmoqda. Ular qatorida "Navoiy kon-metallurgiya kombinati" AJ vakillari ham qatnashmoqda.

“NKMK” AJ Boshqaruvi raisi – Bosh direktori Quvondiq Sanaqulov anjuman yalpi majlisida maʼruza qildi.

Anjumaniga geologiya, geotexnologiya va ma’danlarni qazish, foydali qazilmalarni qayta ishlash va kimyoviy texnologiyalar, mashinasozlik, asbobsozlik va avtomatlashtirish, energetika, muqobil energiya manbalari, qishloq xo‘jaligi va ekologiya muhandisligi, sanoat iqtisodiyoti va mintaqaning sanoat merosi tarixi yo‘nalishlari bo‘yicha 400 dan ortiq ilmiy maqola va tezislar kelib tushgan.

 “NKMK” AJ Matbuot xizmati.