• Yaratildi: 31.01.2024
• Yangilandi: 01.02.2024
• O'qildi: 2776

Kombinat mutaxassislari malakasini oshirmoqda

Navoiy kon-metallurgiya kombinatida xodimlar malakasini oshirish maqsadida respublika oliy o‘quv yurtlari, mamlakatimiz va xorijiy malaka oshirish markazlari bilan hamkorlik yo‘lga qo‘yilgan.

Xususan, kombinatning Zarafshon shahridagi O‘quv markazida Tog‘-kon va geologiya sohasi xodimlari malakasini oshirish instituti vakillari tomonidan qonunchilik targ‘ibotiga doir o‘n kunlik o‘quv kursi o‘tkazilmoqda.

Mazkur o‘quv kursi doirasida “NKMK” AJ Markaziy kon boshqarmasi va Zarafshon qurilish boshqarmasi kadrlar bo‘limlarining 20 nafardan ortiq mutaxassisi “Yangi Mehnat kodeksi nazariyasidan amaliyotga” mavzusidagi mashg‘ulotlarda huquqiy bilimlari, amaliy ko‘nikmalarini oshirmoqda.

“NKMK” AJ Matbuot xizmati.