• Yaratildi: 04.01.2024
• Yangilandi: 04.01.2024
• O'qildi: 3348

2023-yil sarhisobi: Investitsiya dasturi ijrosi

“Navoiy kon-metallurgiya kombinati” AJda 2023-yilga mo‘ljallangan Investitsiya dasturi doirasida 11 ta loyiha bo‘yicha qurilish-montaj ishlari olib borildi.

2023-yilda qator ishlab chiqarish obyektlari ishga tushirildi. Jumladan:

1. “Pistali” konida oltin tarkibli maʼdanlarni qazib olish va qayta ishlash majmuasini qurish (6-GMZ) loyihasi;

2. “Pistali” konida oltin tarkibli maʼdanlarni qazib olish va qayta ishlash majmuasini qurish (6-GMZ) loyihasiga oid sanoat obyektlarini elektr energiyasi bilan taʼminlash loyihasi;

3. Nurota hududida va “Pistali” konida tashqi elektr energiyasining tarmoq inshootlarini qurish va rekonstruksiya qilish loyihasi;

4. “Balpantov” va “Tomdibuloq” konlari negizida qazib olish karyerini qurish loyihasi;

5. “Turbay” konlarini o‘zlashtirish uchun qazib olish va qayta ishlash quvvatlarini kengaytirish loyihasi.

Ular orasida eng yirik investitsion loyiha doirasida Nurota tumanidagi “Pistali” konida yiliga 4 mln tonna oltin maʼdanni qayta ishlash quvvatiga ega 6-gidrometallurgiya zavodi ishga tushirildi. Bu natijalar korxonada oltin ishlab chiqarish hajmini o‘tgan yillarga nisbatan oshirish imkonini berdi.  

2023-yilda Navoiy mashinasozlik zavodi ishlab chiqarish quvvatlarini oshirish doirasida Mexanik yig‘uv sexining yangi binosi qurilib, zamonaviy, samaradorligi yuqori dastgohlar ishga tushirildi hamda Quymachilik sexida 25 tonnalik zamonaviy metall eritish pechi ishga tushirildi.

Bundan tashqari, 2-gidrometallurgiya zavodida ishlab chiqarishning raqamlashtirilgan yagona boshqaruv markazi, “Muruntov” ohaktosh konida maydalash-saralash majmuasi ishga tushirildi.

Kombinat tarixida ilk bor jamoa kuchi bilan “Turbay”, “Balpantov” va “Tomdibuloq” konlarini gidrometallurgiya zavodlari bilan bog‘lovchi 82,6 kilometrlik yangi temir yo‘l liniyalari qurildi.

 “NKMK” AJ Matbuot xizmati.