• Yaratildi: 28.07.2023
• Yangilandi: 28.07.2023
• O'qildi: 3591

Kadrlarni o‘qitish va rivojlantirish eʼtibor markazida

Bugungi kunda “Navoiy kon-metallurgiya kombinati” aksiyadorlik jamiyatida inson resurslarini rivojlantirish va bu borada zamonaviy tizim yaratish, nomzodlarni saralash, joy-joyiga qo‘yishning shaffof, xodimlar ish samaradorligini baholashning ochiq mexanizmini yaratish bo‘yicha keng ko‘lamli ishlar olib borilmoqda.

“NKMK” AJ boshqarmasida Inson resurslarini rivojlantirish bo‘limi tashabbusi bilan transformatsiyaning “Kadrlarni o‘qitish va rivojlantirish" yo‘nalishidagi birinchi bosqichi natijalariga bag‘ishlangan anjuman o‘tkazildi. Tadbirda kombinat rahbariyati, korxona bo‘linmalari mutaxassislari va xodimlari ishtirok etdi.

Bosh direktorning xodimlar va maʼmuriy masalalar bo‘yicha o‘rinbosari Q.Taparov o‘z maʼruzasida har bir xodim uchun o‘zgarishlarning muhimligini va inson resurslarini rivojlantirish sohasidagi xalqaro tajribani hisobga olish zarurligini taʼkidladi.

Anjumanda kombinat kon boshqarmalari va bo‘linmalari vakillari ishchi guruh faoliyatining natijalari, jarayonlarni o‘zgartirish, yangiliklarni joriy etish va ularni raqamlashtirishning istiqboldagi rejalarini taqdim etdilar.

“NKMK” AJ Matbuot xizmati.