O'zbekiston Respublikasi, Navoiy viloyati, Navoiy sh., Navoiy ko'chasi 27
Du - Ju: 08:00 - 17:00
Dam olish kunlari: shanba,yakshanba
 |
 |
 |
 |
 |
 |
 |
 |
 |
Kombinat xronikasi
- Yaratildi: 20.11.2020
- Yangilandi: 01.12.2023
- O'qildi: 30701
Kombinat xronikasi. Asosiy voqealar
2024-YIL
- 16-may kuni Qo‘shrabot tumani Zarkent qo‘rg‘onidagi “Zarmitan” konida barcha qulayliklarga ega 250 o‘rinli maishiy bino va 80 o‘rinli oshxona foydalanishga topshirildi.
- Texnologik bo‘limi boshlig‘ining o‘rinbosari Ulug‘bek Ergashev “Foydali qazilmalarni boyitish” ixtisosligi hamda Yangi texnologiyalarni joriy etish bo‘yicha innovatsion markaz boshlig‘i Ulug‘bek Sharafutdinov “Kamyob, nodir va radioaktiv elemantlar texnologiyasi” ixtisosligi bo‘yicha professor ilmiy unvoniga sazovor bo‘lishdi.
- Markaziy kon boshqarmasining yetakchi korxonalaridan biri – Markaziy taʼmirlash-mexanika sexi 1-may kunidan Zarafshon taʼmirlash-mexanika zavodi sifatida faoliyat boshladi.
- Markaziy Osiyoda foydalanishga topshirilgan ilk konchilik texnikasi – yuk ko‘tarish quvvati 254 tonna bo‘lgan “Komatsu 860E-1K” rusumli avtoag‘dargichlar “Muruntov” konida ish boshladi.
- Davlat organlari va tashkilotlarida 2023-yilda ochiqlik bo‘yicha amalga oshirilgan ishlarning samaradorligi va natijadorligini baholashga qaratilgan “Ochiqlik indeksi”da “NKMK” AJ 84,7 ball bilan eng yuqori samaradorlik ko‘rsatkichlaridan birini qayd etib, 5-o‘rinni egalladi. Aksiyadorlik jamiyatlari kesimida esa NKMK 32 ta yirik sanoat korxonalari hamda kompaniyalar orasida 2-o‘ringa sazovor bo‘ldi.
- 2023-yil natijalari bo‘yicha davlat idoralari va tashkilotlarining korrupsiyaga qarshi kurashishdagi faoliyati samaradorligi reyting baholash natijalariga ko‘ra, “NKMK” AJning korrupsiyaga qarshi kurashish bo‘yicha faoliyati 89 ball bilan “yaxshi” deb topildi.
- Kombinat bo‘linmalarida yo‘l-transport va muhandislik kommunikatsiyalar infratuzilmasini yaxshilash bo‘yicha investitsion loyiha asosida “Auminzo-Amantoy” koni hududida Markaziy kon boshqarmasining Avtomobil transporti boshqarmasiga qarashli “Auminzo-Amantoy” transport sexi ishga tushirildi.
2023-yil
- 17-noyabr kuni Navoiy shahridagi “Farhod” madaniyat saroyida NKMK tashkil topganligining 65 yilligiga bag‘ishlangan bayram tantanasi o‘tkazildi. Tantanada O‘zbekiston Respublikasi Bosh vaziri Abdulla Aripov O‘zbekiston Respublikasi Prezidenti Shavkat Mirziyoyevning NKMK jamoasiga yo‘llagan bayram tabrigini o‘qib eshittirdi. Tadbirda O‘zbekiston Respublikasi Prezidentining “Navoiy kon-metallurgiya kombinati” aksiyadorlik jamiyati tashkil etilganining 65 yilligi munosabati bilan ishlab chiqarish ilg‘orlaridan bir guruhini mukofotlash to‘g‘risida”gi Farmoniga muvofiq kombinatning bir guruh ishchi-xodimlariga yuksak davlat mukofotlari topshirildi.
- NKMK tashkil etilganining 65 yilligi munosabati bilan “Navoiy kon-metallurgiya kombinati” aksiyadorlik jamiyati va “Navoiyuran” davlat korxonasi jamoalariga O‘zbekiston Respublikasi Prezidentining tabrigi yo‘llandi.
- O‘zbekiston Respublikasi Prezidentining 2023-yil 16-noyabrdagi “Navoiy kon-metallurgiya kombinati” aksiyadorlik jamiyati tashkil etilganining 65 yilligi munosabati bilan ishlab chiqarish ilg‘orlaridan bir guruhini mukofotlash to‘g‘risida”gi Farmoniga muvofiq kombinatning bir guruh ishchi-xodimlari yuksak davlat mukofotlari bilan taqfirlandi.
- Toshkent shahrida raqamli texnologiyalar sohasida o‘tkazilgan Markaziy Osiyodagi eng katta tadbirlardan biri – “ICTWeek Uzbekistan – 2023” AKT haftaligi doirasida “raqamli hukumat”ni qurishda faol ishtiroki bor, raqamlashtirishda samarali natija ko‘rsatgan davlat tashkilotlari va xo‘jalik boshqaruv organlari qatorida “Navoiy kon-metallurgiya kombinati” AJ “Raqamli texnologiyalarni joriy etish bo‘yicha eng yaxshi xo‘jalik organi” nominatsiyasida taqdirlandi.
- Kanadaning Kitco xalqaro tahliliy markazi 2023-yilning birinchi yarim yilligida dunyodagi Top-10 ta eng yirik oltin ishlab chiqaruvchi kompaniyalar ro‘yxatini eʼlon qildi. Mazkur ro‘yxatga ko‘ra, Navoiy kon-metallurgiya kombinati 5-o‘rinni egallab, oltin ishlab chiqarish bo‘yicha dunyoda yetakchilardan biri bo‘ldi.
- Tomdi tumanida Navoiy kon-metallurgiya kombinati tomonidan barpo etilgan zamonaviy 504 o‘rinli ixtisoslashtirilgan maktab-internati foydalanishga topshirildi.
- O‘zbekiston Respublikasi mustaqilligining o‘ttiz ikki yilligi munosabati bilan davlatimiz rahbarining 2023-yil 27-avgustda qabul qilingan farmoniga muvofiq, Markaziy kon boshqarmasi avtosamosval haydovchisi Baxronov Sayfidin Fattoyevich “O‘zbekiston Respublikasida xizmat ko‘rsatgan sanoat xodimi” faxriy unvoni, Markaziy kon boshqarmasi “Auminzo-Amantoy” koni boshlig‘i Ezozxonov Avazxon Nezomxonovich “Do‘stlik” ordeni bilan mukofotlandi.
- London oltin quymalari bozori assotsiatsiyasi (LBMA – London Bullion Market Association) tomonidan Navoiy kon-metallurgiya kombinatiga bozor talablariga to‘la rioya qilish borasida navbatdagi test sinovlaridan muvaffaqiyatli o‘tganligini tasdiqlovchi sertifikat taqdim etildi.
- Nurota tumani hududida joylashgan “Pistali” konida oltin tarkibli maʼdanlarni qazib olish va qayta ishlash majmuasi – 6-gidrometallurgiya zavodining birinchi tegirmon bloki ishga tushirildi.
- Kanadaning Kitco xalqaro tahliliy markazi 2022-yilda dunyodagi Top-10 ta eng yirik konlar ro‘yxatini eʼlon qildi. Mazkur ro‘yxatga ko‘ra, “Muruntov” koni o‘tgan yilda oltin qazib olish bo‘yicha dunyoda yetakchilardan biri bo‘ldi.
- O‘zbekiston Respublikasi konchilik va metallurgiya sanoati xodimlari kuni arafasida “Muruntov” ohaktosh konida 1-maydalab saralash majmuasi foydalanishga topshirildi.
- Davlat organlari va tashkilotlarida 2022-yilda ochiqlik bo‘yicha amalga oshirilgan ishlarning samaradorligi va natijadorligini baholashga qaratilgan “Ochiqlik indeksi”da “NKMK” AJ 76,2 ball bilan eng yuqori samaradorlik ko‘rsatkichlaridan birini qayd etib, mazkur indeksning 5-pog‘onasini qo‘lga kiritdi. Mazkur indeksning aksiyadorlik jamiyatlari kesimida esa kombinat 22 ta yirik sanoat korxonalari hamda kompaniyalar orasida 1-o‘rinni egalladi.
- O‘zbekiston Respublikasi Prezidentining 2023-yil 6-martdagi “8-mart – Xalqaro xotin-qizlar kuni munosabati bilan mukofotlash to‘g‘risida”gi farmoniga ko‘ra, “NKMK” AJ Navoiy mashinasozlik zavodi temirchilik-presslash sexi mashinisti Zulfiya Ahmedova “Mehnat shuhrati” ordeni bilan mukofotlandi.
- “NKMK” AJ 5-8-mart kunlari PDAC (Kanada konchilar va oltin izlovchilar assotsiatsiyasi)ning Toronto shahrida o‘tkazilgan konchilik sanoatidagi yetakchi xalqaro anjuman va ko‘rgazmasida ishtirok etdi.
- Markaziy kon boshqarmasida ishlab chiqarishning raqamlashtirilgan yagona boshqaruv markazi ishga tushirildi. 2-gidrometallurgiya zavodida joylashgan mazkur markazning asosiy vazifasi geologik-qidiruv ishlari, maʼdanni qazib olish, tashish va gidrometallurgiya zavodlarida qayta ishlash jarayonlarini to‘liq kuzatib borish, tahlil qilish va boshqarishdan iboratdir.
- 21-fevral kuni Navoiy mashinasozlik zavodi Quymachilik sexida 25 tonnalik yangi zamonaviy metall eritish pech ishga tushirildi.
- 6-yanvar kuni Nurota tumani hududida joylashgan “Pistali” konida birinchi portlash amalga oshirildi.
2022-yil
- O‘zbekiston Respublikasi Prezidentining 2022-yil 12-dekabrdagi “O‘zbekiston Respublikasining fan va texnika, adabiyot, sanʼat va meʼmorchilik sohasidagi Davlat mukofotlarini berish to‘g‘risida”gi farmoniga muvofiq “Navoiy kon-metallurgiya kombinati” aksiyadorlik jamiyati mutaxassislari Quvondiq Sanaqulov, Nikolay Snitka, Rustamjon Usmanov, Ulug‘bek Ergashev va Otabek Mustaqimovlar “Texnologik va ishlanishi murakkab bo‘lgan oltin tarkibli maʼdanlarni qayta ishlash va o‘zlashtirishning kompleks texnologiyalarini ishlab chiqish va joriy etish” bo‘yicha ilmiy-amaliy ishlanmasi uchun fan va texnika sohasida birinchi darajali Davlat mukofoti bilan taqdirlandi.
- 29-noyabr - 1-dekabr kunlari London shahrida konchilik sanoatiga investitsiyalar va kapitalni jalb qilish bo‘yicha “Mines and Money” nomli Yevropaning eng yirik tadbiri o‘tkazildi. Tadbirda O‘zbekistonning yetakchi sanoat korxonalari, jumladan, “NKMK” AJ vakillari ishtirok etdi.
- 28-noyabr kuni Buyuk Britaniyaning poytaxti London shahrida “Markaziy Osiyo, Mo‘g‘uliston va Yevropada barqaror qazib olish” mavzusida "MINEX Eurasia" 10-anjumani bo‘lib o‘tdi. Anjumanda “NKMK” AJ bosh direktorining transformatsiya bo‘yicha birinchi o‘rinbosari, boshqaruv a’zosi Yevgeniy Antonov va “NKMK” AJ Resurslar bo‘yicha direktori Lyubov Yegorovalar taqdimotlari bilan ishtirok etdi.
- 14-18-noyabr kunlari Toshkent shahrida Respublika tarmoqlararo sanoat yarmarkasi o‘tkazildi. “NKMK” AJ yarmarka doirasida eng ko‘p shartnoma tuzgan tarmoq korxonasi deb eʼtirof etildi.
- 19-23-noyabr kunlari Jizzax viloyat Zomin tumanidagi “NKMK” sanatoriysida “NKMK” AJ O‘zbekiston Jurnalistlari uyushmasi bilan hamkorlikda “Milliy jurnalistika: anʼanalar davomiyligi va zamonaviylik” mavzusidagi II mediaforumi o‘tkazildi. Mediaforum doirasida OAV vakillari uchun “NKMK” AJ Janubiy kon boshqarmasi “Zarmitan” koniga press-tur tashkil etildi.
- 3-4-noyabr kunlari Samarqand shahrida Xalqaro darajadagi yetakchi iqtisodchilar va xalqaro ekspertlarni jamlagan II O‘zbekiston iqtisodiy forumi o‘tkazildi. Ushbu Forumda ishbilarmon doiralar va xorijiy hamkorlar, xalqaro banklar bilan mustahkam aloqalar o‘rnatish uchun “NKMK” AJ rahbariyati tomonidan bir qator uchrashuvlar o‘tkazildi.
- Toshkent shahrida 2-4-noyabr kunlari o‘tkazilgan 16-Xalqaro “Tog‘-kon ishi, metallurgiya va metallsozlik – MiningMetals Uzbekistan 2022” ko‘rgazmasi doirasida 4-O‘zbekiston xalqaro kon-metallurgiya forumi (UIMF 2022) bo‘lib o‘tdi. Mazkur forumda ilk marotaba “NKMK” AJ vakillari ishtirokida maxsus sessiya taqdim etildi.
- O‘zbekiston Respublikasi mustaqilligining o‘ttiz bir yilligi munosabati bilan davlatimiz rahbarining 2022-yil 29-avgustda qabul qilingan farmonlariga muvofiq, Markaziy kon boshqarmasi direktori Elmurad Xalikulov “Mehnat shuhrati” ordeni, “NKMK” AJ bosh geologi o‘rinbosari Ilhomjon Hamroyev “Do‘stlik” ordeni, Janubiy kon boshqarmasi konchilik bo‘limi yetakchi muhandisi Akmal Jamonkulov “Shuhrat” medali, Markaziy kon boshqarmasi yong‘in qutqaruv qismi haydovchi-qutqaruvchisi Obidjon Abdullayev “Shuhrat” medali bilan mukofotlandi.
- O‘zbekiston konchilik sanoati tarixida ilk marotaba “Zarmitan” sanoat maydonida shaxta chuqurligi 1 000 metrga yetdi.
- Tomdi tumani hududida “Tomdibuloq” konini 2-gidrometallurgiya zavodi bilan bog‘lovchi 35 kilometrlik temir yo‘l liniyasi foydalanishga topshirildi.
- O‘zbekiston Respublikasi tarixida birinchi marta “NKMK” AJ tomonidan yetakchi xalqaro banklardan 5 yil muddatga garovsiz uzoq muddatli sindikatsiyalashgan kredit jalb etildi. Bitimning umumiy qiymati 1,2 mlrd AQSh dollarini tashkil etadi.
- O‘zbekiston Respublikasi Prezidentining 2022-yil 29-iyundagi “Yoshlar kuni munosabati bilan yurtimizning faol va tashabbuskor yosh avlod vakillaridan bir guruhini mukofotlash to‘g‘risida”gi farmoniga ko‘ra, “NKMK” AJ 7-gidrometallurgiya zavodi sianlash va sorbsiya sexi boshlig‘i Ulug‘bek Quvondiqov “Kelajak bunyodkori” medali bilan mukofotlandi.
- Navoiy shahrida zamonaviy sport inshooti – gandbol zali foydalanishga topshirildi.
- O‘zbekiston Respublikasi Davlat aktivlarini boshqarish agentligi davlat ishtirokidagi korxonalarning moliyaviy hisobotlar tahlilini e’lon qildi. 2021-yil yakuni bo‘yicha moliyaviy hisobotlar tahlili natijasi ko‘ra, eng ko‘p sof foyda olgan va dividend to‘lagan korxona Navoiy kon-metallurgiya kombinati bo‘ldi.
- Kanadaning Кitсо xalqaro tahliliy markazi 2021-yilda dunyodagi Top-10 ta eng yirik konlar ro‘yxatini eʼlon qildi. Mazkur ro‘yxatga ko‘ra, “Muruntov” koni 2021-yilda oltin qazib olish bo‘yicha dunyoda yetakchi bo‘ldi. O‘tgan yili “Muruntov” konidan 2 mln unsiyadan ko‘proq oltin qazib olingan.
- “NKMK” AJ tomonidan amalga oshirilayotgan investitsion loyihalar doirasida Tomdi tumani hududidagi “Balpantog‘” va “Tomdibuloq” konlarida birinchi portlatish ishlari amalga oshirildi va qazib olish ishlari boshlandi.
- “NKMK” AJ tomonidan O‘zbekiston Jurnalistlari ijodiy uyushmasi bilan hamkorlikda “Milliy jurnalistika: anʼanalar davomiyligi va zamonaviylik” mavzusida birinchi respublika mediaforumi o‘tkazildi.
- O‘zbekiston Respublikasi Prezidentining 2022-yil 5-martdagi “8-mart – Xalqaro xotin-qizlar kuni munosabati bilan mukofotlash to‘g‘risida”gi farmoniga ko‘ra, “NKMK” AJ Shimoliy kon boshqarmasi kran mashinisti Bashorat Tursunova “Mehnat shuhrati” ordeni bilan mukofotlandi.
- “NKMK” AJ Shimoliy kon boshqarmasiga qarashli “Dovgiztov” koni tashkil topganligiga 20 yil to‘ldi.
- 2022-yil 1-yanvardan “Navoiy kon-metallurgiya kombinati” aksiyadorlik jamiyati, “Navoiyuran” davlat korxonasi, “Navoiy kon-metallurgiya kombinati jamg‘armasi” davlat muassasi mustaqil ish boshladi.
2021-yil
- 2021-yil 8-oktabr kuni Navoiy kon-metallurgiya kombinati homiyligida Zarafshon shahrida imkoniyati cheklangan bolalar uchun barpo etilgan zamonaviy maxsus maktabgacha taʼlim tashkiloti foydalanishga topshirildi.
- O‘zbekiston Respublikasi Prezidenti Shavkat Mirziyoyev 27-avgust kuni Navoiy viloyatiga tashrifi davomida Navoiy kon-metallurgiya kombinatining texnogen chiqindilarni qayta ishlash korxonasi – 7-gidrometallurgiya zavodi faoliyati bilan tanishdi.
- O‘zbekiston Respublikasi Prezidentining 2021-yil 25-avgustdagi “O‘zbekiston Respublikasi mustaqilligining o‘ttiz yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash to‘g‘risida”gi farmoniga ko‘ra, “Navoiy mashinasozlik zavodi” ishlab chiqarish birlashmasi direktori O‘ktam Rahmatov “O‘zbekiston Respublikasida xizmat ko‘rsatgan sanoat xodimi” faxriy unvoni, Zarafshon qurilish boshqarmasi boshlig‘i Ali Eshonqulov “O‘zbekiston Respublikasida xizmat ko‘rsatgan quruvchi” faxriy unvoni, Investitsiyalar departamenti boshlig‘i Neʼmat Ro‘ziyev “Mehnat shuhrati” ordeni, Janubiy kon boshqarmasi “Zarmitan” koni lahimchisi Shavkat Tursunov “Do‘stlik” ordeni, Markaziy kon boshqarmasi “Muruntov” koni ekskavator mashinisti Zohiddin Bobayev “Shuhrat” medali bilan mukofotlandi.
- Markaziy kon boshqarmasi “Muruntov” konida konni o‘zlashtirishning V-navbati investitsion loyihasi doirasida Shimoliy-sharqiy davriy oqim texnologiyasi majmuasi foydalanishga topshirildi.
- Markaziy kon boshqarmasida yiliga 15 mln tonna texnogen chiqindilarni qayta ishlash imkonini beruvchi 7-gidrometallurgiya zavodi ochilish marosimi bo‘lib o‘tdi.
- Janubiy kon boshqarmasida “G‘ujumsoy” konida maydalash-saralash texnologik tizim va ko‘chma to‘ldirish qurilmasi hamda “Zarmitan” konining “Asosiy” stvoli maydonida qurilgan shaxta ko‘tarish qurilmasi binosi va stvol kopyori ishga tushirildi.
- O‘zbekiston Respublikasi Prezidentining 2021-yil 30-iyuldagi “Xalqlar do‘stligi kuni munosabati bilan bir guruh yurtdoshlarimizni mukofotlash to‘g‘risida”gi farmoniga ko‘ra, “Zarafshon” qurilish-montaj boshqarmasi boshlig‘i Vaxtang Kapanadze “Mehnat shuhrati” ordeni bilan mukofotlandi.
- Navoiy kon-metallurgiya kombinati raqamlashtirishda qo‘lga kiritgan ijobiy natijalari uchun “Axborot-kommunikatsiya texnologiyalarini rivojlantirish va faoliyatni raqamlashtirish borasida eng yuqori natijaga erishgan xo‘jalik boshqaruvi organi” nominatsiyasida eʼtirof etildi.
- Jahonning nufuzli Forbes nashri xabar qilishicha, Butunjahon oltin kengashi maʼlumotlariga asosan O‘zbekiston oltin ishlab chiqarish bo‘yicha dunyoning yetakchi 10 ta mamlakati qatoriga kirdi. Forbes nashri O‘zbekistonda maydoni bo‘yicha dunyodagi eng yirik ochiq oltin koni – “Muruntov” koni joylashganligi hamda ushbu kon dunyodagi eng yirik oltin zaxirasiga ega bo‘lishi mumkinligini qayd etdi.
- 5-kon boshqarmasi tashkil topganligiga 50 yil to‘ldi.
- 30-martda O‘zbekiston Respublikasi Vazirlar Mahkamasining “Navoiyuran” davlat korxonasi, “Navoiy kon-metallurgiya kombinati” aksiyadorlik jamiyati va “Navoiy kon-metallurgiya kombinati jamg‘armasi” davlat muassasasi faoliyatini tashkil etish to‘g‘risida”gi qarori qabul qilindi.
- Kitco tahliliy markazi maʼlumotlariga ko‘ra, 2020-yilda Muruntov koni oltin qazib olish bo‘yicha jahonda yetakchi bo‘ldi.
- O‘zbekiston Respublikasi Prezidentining 2021-yil 4-martdagi “8-mart – Xalqaro xotin-qizlar kuni munosabati bilan mukofotlash to‘g‘risida”gi farmoniga ko‘ra, “Navoiy mashinasozlik zavodi” ishlab chiqarish birlashmasining uchastka kran mashinisti Dildor Tilabova “Mehnat shuhrati” ordeni bilan mukofotlandi.
- Navoiy kon-metallurgiya kombinati “Gender tenglik faoli” milliy tanlovning “Gender tenglikni taʼminlashda eng faol vazirlik/davlat muassasasi, tashkilot va idoralar” nominatsiyasida g‘oliblikni qo‘lga kiritdi.
2020-yil
- Navoiy mashinasozlik zavodining quyish sexida qo‘lda qoliplash yangi uchastkasi ishga tushirildi;
- Qoraqalpog‘iston Respublikasi Taxiatosh tumanidagi Taxiatosh metall konstruksiyalar va nostandart jihozlar ishlab chiqarish zavodida metallarni ruxlash uchastkasi foydalanishga topshirildi;
- Shimoliy kon boshqarmasi “Dovg‘iztov” koni hududida ishchi-xizmatchilar uchun ikkita yotoqxona foydalanishga topshirildi;
- 6 martda O‘zbekiston Respublikasi Prezidentining “Navoiy kon-metallurgiya kombinati” davlat korxonasini isloh qilish chora-tadbirlari to‘g‘risida”gi qarori qabul qilindi;
- Shimoliy kon boshqarmasiga qarashli 3-gidrometallurgiya zavodi foydalanishga topshirilganiga 25 yil to‘ldi;
- Janubiy kon boshqarmasiga qarashli 4-gidrometallurgiya zavodi foydalanishga topshirilganiga 10 yil to‘ldi;
- O‘zbekiston Respublikasi Prezidentining 2020-yil 28-avgustdagi “O‘zbekiston Respublikasi mustaqilligining yigirma to‘qqiz yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash to‘g‘risida”gi farmoniga ko‘ra, NKMK bosh muhandisining ishlab chiqarish bo‘yicha o‘rinbosari Serob Isuns “O‘zbekiston Respublikasida xizmat ko‘rsatgan sanoat xodimi” faxriy unvoni, Janubiy kon boshqarmasi “Zarmitan” koni lahimchisi Abdug‘ani Usmonov “Mehnat shuhrati” ordeni, NKMK texnik nazorat xizmati boshlig‘i Baxtiyor Xolmurodov “Do‘stlik” ordeni bilan taqdirlandi.
- 2-gidrometallurgiya zavodining qayta ishlash quvvatlarini kengaytirishga qaratilgan investitsiya loyihasi doirasida Markaziy kon boshqarmasi 2-GMZda 29, 30-tegirmon bloklari ishga tushirildi.
- 7-gidrometallurgiya zavodi quvvatlarini oshirishga qaratilgan investitsiya loyihasining birinchi va ikkinchi bosqichi doirasida 7-GMZda to‘rtta tegirmon bloklari ishga tushirildi.
- Markaziy kon boshqarmasi 2-gidrometallurgiya zavodining tayyor mahsulot sexi negizida oltin va kumushdan o‘lchovli quymalar ishlab chiqarish bo‘yicha zamonaviy yuqori texnologiyalarga asoslangan majmua ishga tushirildi.
- 5-kon boshqarmasi 3-geotexnologik koni “Jingeldi” maydonida 120 o‘rinli ishchilar shaharchasi foydalanishga topshirildi.
2019-yil
- 9 yanvarda O‘zbekiston Respublikasi Vazirlar Mahkamasining “Navoiy kon-metallurgiya kombinati” davlat korxonasi faoliyati samaradorligini oshirish chora-tadbirlari to‘g‘risida”gi qarori qabul qilindi;
- 17 yanvarda O‘zbekiston Respublikasi Prezidentining “Kon-metallurgiya tarmog‘i korxonalari faoliyatini yanada takomillashtirish chora-tadbirlari to‘g‘risida”gi qarori qabul qilindi;
- Jizzax viloyati Zomin tumanida “NKMK” sanatoriysi foydalanishga topshirildi;
- Zarafshon shahridagi “Shodlik” mehribonlik uyi tarbiyalanuvchilari uchun “Bolalar shaharchasi” foydalanishga topshirildi;
- Uchquduq shahrida “Oltin ko‘l” dam olish majmuasi foydalanishga topshirildi;
- Shimoliy kon boshqarmasi 3-gidrometallurgiya zavodida Sorbsiyalash jarayoni chiqindilarini yuqori samarali kuydirish majmuasi foydalanishga topshirildi;
- Navoiy kon-metallurgiya kombinati London oltin quymalari bozori assotsiatsiyasi (LBMA – London Bullion Market Association) tomonidan bozor talablariga to‘la rioya qilish borasida navbatdagi test sinovlaridan muvaffaqiyatli o‘tganligini tasdiqlovchi sertifikatini qo‘lga kiritdi;
- Zarafshon shahri markazida “Favvoralar sayilgohi”ning navbatdagi bosqichi foydalanishga topshirildi;
- Samarqand viloyati Qo‘shrabot tumanida zamonaviy chorvachilik kompleksi foydalanishga topshirildi;
- Qoraqalpog‘iston Respublikasi Taxiatosh tumanida 20 ming bosh broyler jo‘ja boqishga mo‘ljallangan parrandachilik fermasi foydalanishga topshirildi;
- O‘zbekiston Respublikasi Prezidentining 2019-yil 29-avgustdagi “O‘zbekiston Respublikasi mustaqilligining yigirma sakkiz yilligi munosabati bilan davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash to‘g‘risida”gi farmoniga ko‘ra, Janubiy kon boshqarmasi “G‘ujumsoy” koni uchastka lahimchisi Komil Tangirov “O‘zbekiston Respublikasida xizmat ko‘rsatgan sanoat xodimi” unvoni hamda Shimoliy kon boshqarmasi Axborot-kommunikatsiya texnologiyalari markazi muhandis-dasturchisi Aleksandr Xalturinskiy “Jasorat” medali bilan taqdirlandi.
2018-yil
- Zarafshon shahrida favvoralar xiyoboni qurildi;
- Janubiy kon boshqarmasi “G‘ujumsoy” konida chuqurligi 500 metr, aylanasi 6 metr bo‘lgan yangi shaxta ishga tushirildi;
- Uchquduq shahrida “Konchi” sihatgohi qayta rekonstruksiya qilindi;
- Samarqand viloyati Urgut tumanida “Kelajak” bolalar sog‘lomlashtirish oromgohi foydalanishga topshirildi;
- Nurobod shaharchasida “Ko‘zmunchoq” maktabgacha ta’lim muassasasi foydalanishga topshirildi;
- 5-kon boshqarmasi 4-geotexnologik konida noyob va noyob yer elementlarini ishlab chiqarish bo‘limi foydalanishga topshirildi;
- 18 oktyabrda O‘zbekiston Respublikasi Vazirlar Mahkamasining “Navoiy shahri va “Navoiy kon-metallurgiya kombinati” davlat korxonasi tashkil topganligining 60 yilligini keng nishonlash to‘g‘risida”gi qarori qabul qilindi;
- 5 noyabrda O‘zbekiston Respublikasi Vazirlar Mahkamasining “Muruntov” konini o‘zlashtirish (V-navbati) I-bosqichi” investitsiya loyihasining texnik-iqtisodiy asosini tasdiqlash to‘g‘risida”gi qarori qabul qilindi;
2017-yil
- «Auminzo-Amantoy» oltin qazib olish koni foydalanishga topshirildi;
- Yevropa Sifat tadqiqotlari jamiyati tomonidan NKMKga xalqaro sifat talablari darajasidagi faoliyati uchun sertifikat va esdalik statuetkasi topshirildi;
- Birlashgan Millatlar Tashkilotining Butunjahon intellektual mulk tashkiloti tomonidan kombinatning 12 nafar olim va mutaxassislari murakkab tarkibli oltin rudalaridan oltinni ajratib olish texnologiyasini yaratganliklari uchun “Eng yaxshi ixtirochi” oltin medali bilan taqdirlandi;
- Uchquduq shahrida musiqali favvora va “Kelajak” yoshlar markazi qurildi;
- Navoiy shahridagi “So‘g‘diyona” stadioni rekonstruksiya qilinib, foydalanishga topshirildi;
- Zafarobod qo‘rg‘onida “Yangi hayot” sog‘lomlashtirish majmuasi qurildi;
- Zarafshon shahrida “Neptun” suv havzasi rekonstruksiya qilindi;
- O‘zbekiston Respublikasi Prezidenti Sh.M.Mirziyoyev tomonidan 2017-2026 yillarda kombinatda qimmatbaho metallar qazib olish hajmini oshirish Dasturi tasdiqlandi;
- 28 martda O‘zbekiston Respublikasi Prezidenti Shavkat Mirziyoyev Navoiy davlat konchilik institutiga tashrif buyurib, “Auminzo-Amantoy” oltin konlari negizida Navoiy kon-metallurgiya kombinatining 5-gidrometallurgiya zavodi qurilishining boshlanishiga bag‘ishlangan tantanali marosimda ishtirok etdi.
2016-yil
- “Muruntau” konida minerallashtirilgan massasi burmalanishlarini uyumlab eritmaga o‘tkazish usulida qayta ishlash boshlandi;
- 3-gidrometallurgiya zavodining alohida toifalangan ob’yektlarini zahira elektr energiya ta’minoti rekonstruksiya qilindi;
- “Shimoliy Konimex” konida 5-mahalliy sorbsion uskunasi qurildi;
- Samarqand viloyati Qo‘shrabot tumani Zarkent qo‘rg‘onida yosh oilalar uchun 4 qavatli 44 xonadonli turarjoy binosi barpo etildi;
- Janubiy kon boshqarmasidagi pulmonologiya dispanseri bazasida “Nurobod” suv bilan davolash sanatoriy-profilaktoriysi foydalanishga topshirildi;
- “Metallurg” profilaktoriysi rekonstruksiya qilinib, foydalanishga topshirildi;
- Navoiy davlat konchilik institutining yangi o‘quv binosi ishga tushirildi;
- Samarqand viloyati Qo‘shrabot tumani Zarkent qo‘rg‘onida akvapark ishga tushirildi.
2015-yil
- Zarafshon shahrida akvapark foydalanishga topshirildi;
- Zarkent qo‘rg‘onida har biri 16 xonadonli 5 ta uy foydalanishga topshirildi;
- 5-kon boshqarmasiga qarashli “Sugrali” va “Shimoliy Konimex” konlarida ishlab chiqarish va maishiy inshootlar foydalanishga topshirildi;
- “Do‘stlik” agrofirmasida “Nur-diyor” shifobaxsh suvi ishlab chiqarish yo‘lga qo‘yildi.
2014-yil
- Qizilqum fosforit majmuasining ikkinchi navbati ochildi;
- Uchquduq shahrida 40 va 48-xonadonli 2 ta uy foydalanishga topshirildi;
- Uchquduq shahrida Yoshlar markazi foydalanishga topshirildi;
- Zarafshon shahrida 40-xonadonli uy foydalanishga topshirildi;
- Zarkent qo‘rg‘onida 4 ta 16-xonadonli uy foydalanishga topshirildi.
2013-yil
- “Farhod” madaniyat saroyida NKMK tarixi muzeyi ochildi;
- Uchquduq shahrida 50 xonadonli uy foydalanishga topshirildi;
- Zarafshon shahrida 48-xonadonli uy foydalanishga topshirildi;
- Uchquduq shahrida “Orzu” madaniyat va istirohat bog‘i ochildi;
- Zafarobod qo‘rg‘onida yosh mutaxassislar yotoqxonasi foydalanishga topshirildi;
- Zarafshon shahrida havo bilan to‘ldiriladigan sport zali ochildi.
2012-yil
- Zarafshon shahrida yangi sport majmusi foydalanishga topshirildi;
- 5-kon boshqarmasida yangi “Aulbek” koni ochildi.
2011-yil
- “Muruntov” konida jahonda yagona bo‘lgan Tik-qiya konveyeri foydalanishga topshirildi.
2010-yil
- Navoiy shahrida Bolalar ijodiyot markazi ochildi;
- Uchquduq shahri to‘liq gazlashtirildi;
- Zarmitanda 11 oyda 4-gidrometallurgiya zavodi qurilib, foydalanishga topshirildi;
- Janubiy kon boshqarmasida “Ketmonchi” konining “Gunjak” uchastkasini o‘zlashtirish boshlandi.
2009-yil
- Zarafshon qurilish boshqarmasi tarkibida “Navoiy” tresti tashkil etildi;
- 1-gidrometallurgiya zavodida zamonaviy nazorat-o‘tkazish punkti ochildi;
- 5-kon boshqarmasida “Alendi” koni foydalanishga topshirildi;
- 5-kon boshqarmasida burg‘ilash qurilmalari va uran majmualari asboblarini kapital ta’mirlash uchastkasi ochildi;
- Janubiy kon boshqarmasida “Yarquduq” konining uchastkasi foydalanishga topshirildi;
- Navoiy shahrida gimnastika zali foydalanishga topshirildi;
- “Moylisoy” konini o‘zlashtirish boshlandi;
- “Do‘stlik” agrofirmasida gidroponika sexi ishga tushirildi.
2008-yil
- 2-gidrometallurgiya zavodi loyiha quvvati yiliga 32 mln. tonna rudani qayta ishlashga chiqdi, u tashkil etilgan kundan buyon qayta ishlangan ruda 700 mln. tonnaga yetdi;
- Shimoliy kon boshqarmasida bakterial tanlab eritmaga o‘tkazish“BIOKS” texnologiyasi ishlab chiqarishga joriy etildi;
- 5-kon boshqarmasida “Shimoliy Konimex” koni ishga tushirildi;
- “Zarmitan” konida kon qurilishi yakunlandi.
2007-yil
- NKMKga Jenevada “Texnologiya va sifat uchun” yangi mingyillik sovrini berildi;
- 2-gidrometallurgiya zavodida tutash texnologik qismlarni kengaytirish va rekonstruksiyalash bilan 28-blokning qurilishi yakunlandi;
- Qizilqum fosforit majmuasida fosforitli rudani xlordan yuvish bo‘limi foydalanishga topshirildi;
- “Zarafshon” pansionatiga dam olish va sog‘lomlashtirish xizmatlari uchun Sifat menejmenti tizimining Xalqaro sertifikati berildi;
- Zarafshon qurilish boshqarmasi “Loyihalashtirish, qurilish va qurilish materiallarini ishlab chiqarish” Respublika tanlovining g‘olibi bo‘ldi va O‘zbekistonda qurilish, arxitektura va qurilish materiallarini ishlab chiqarish sohasida eng yaxshi tashkilot deb topildi;
- Zarafshon qurilish boshqarmasi tomonidan Toshkent shahrida “Poytaxt” Biznes-markazi qurildi.
2006-yil
- NKMKga novatorligi va mahsulotining yuqori sifati uchun “Savdo peshqadamlari klubi” tomonidan ta’sis etilgan “Yangi ming yillik sovrini” topshirildi;
- Navoiy mashinasozlik zavodiga metallga ishlov beruvchi stanoklarni loyihalash, ishlash, yig‘ish, montaj, sozlash va ularga servis xizmati ko‘rsatish, maishiy texnikalarni ishlab chiqarish, yog‘ochga ishlov beruvchi stanoklar, kiryuvish mashinalari, shuningdek, plastmassa va rezinadan buyumlar; metallga ishlov beruvchi stanoklarning o‘rta va mukammal ta’miri uchun Sifat menejmenti tizimining sertifikati berildi;
- Janubiy kon boshqarmasida polivinilxlorid va polietilendan quvurlar ishlab chiqarishiga Sifat menejmenti tizimining sertifikati olindi;
- Navoiy mashinasozlik zavodida Qo‘ng‘irot soda zavodi uchun ko‘l suvini yuvish bo‘yicha qurilma tayyorlandi, MMS va MSHR rusumli tegirmonlar gardishlarini quyish o‘zlashtirildi;
- Zarafshonda san’at maktabi ochildi;
- Navoiy mashinasozlik zavodi stanoksozlari “O‘zbekistonning eng yaxshi mahsuloti” ko‘rik-tanlovida g‘olib bo‘ldi.
2005-yil
- Markaziy kon boshqarmasida qimmatbaho metallar va fosforitli mahsulot ishlab chiqarishga menendjmentning integrallangan tizimi joriy etildi;
- 3-gidrometallurgiya zavodi negizida biologik tanlab eritmaga o‘tkazish majmuasining qurilishi boshlandi.
2004-yil
- “Amantaytau-Goldfilds” qo‘shma korxonasi tashkil etildi;
- “Do‘stlik” agrofirmasida sut mahsulotlarini ishlab chiqarish sexi ishga tushirildi.
2003-yil
- 5-kon boshqarmasida “Toxumbet” uran konini o‘zlashtirish boshlandi;
- Navoiy mashinasozlik zavodida SAT-5230 rusumli ekskavator uchun birinchi cho‘mich tayyorlandi;
- 5-kon boshqarmasining 1,2,3-geotexnologik konlarida noradioaktiv chiqindilarni ko‘mish punktlari qurildi.
2002-yil
- Markaziy kon boshqarmasida emulsion portlovchi moddalar ishlab chiqarish zavodi foydalanishga topshirildi;
- “Zarmitan”, “Marjonbuloq” oltin konlari va Marjonbuloq oltin ajratib olish fabrikasi Janubiy kon boshqarmasi tarkibiga kiritildi;
- Toshkent viloyatining Bo‘stonliq tumanidagi Chorvoq suv ombori yonida “Zarafshon” pansionati va “Pahlavon” bolalar sog‘lomlashtirish oromgohi foydalanishga topshirildi;
- 3-gidrometallurgiya zavodida rudalarni rentgenoradiometrik saralaydigan tajriba-sanoat saralovchi majmua ishga tushirildi;
- Janubiy kon boshqarmasida tosh bloklarini qayta ishlash sexi foydalanishga topshirildi, mineral suv va alkogolsiz ichimliklarni ishlab chiqarish sexi ochildi.
2001-yil
- “Muruntov” konidan milliard kubmetr kon massasi qazib olindi;
- 5-kon boshqarmasiga atrof-muhitni muhofaza qilish sohasida erishgan ko‘rsatkichlari uchun xalqaro “Ekosan” jamg‘armasining diplomi topshirildi.
2000-yil
- Navoiy kon-metallurgiya kombinati “Do‘stlik” ordeni bilan taqdirlandi;
- Qarnab qo‘rg‘onchasi aholisini ichimlik suvi bilan ta’minlaydigan Damxo‘ja-Qarnab suv tarmog‘i foydalanishga topshirildi;
- Navoiy mashinasozlik zavodida O‘zbekistonda yagona bo‘lgan gidropress foydalanishga topshirildi;
- “Do‘stlik” agrofirmasida meva sharbatlari ishlab chiqaradigan liniya foydalanishga topshirildi.
1999-yil
- Zarafshon qurilish boshqarmasi tomonidan Uchquduqda temiryo‘l vokzali qurildi va Zarafshonda aeroport rekonstruksiya qilindi.
1998-yil
- NKMK oltini Tokio sanoat tovarlari birjasida sertifikatlashdan muvaffaqiyatli o‘tdi;
- Qizilqum fosforit kompleksi foydalanishga topshirildi;
- “Muruntov” konida zamonaviy navigatsiya tizimlaridan foydalangan holda texnologik transportni boshqarishning avtomatlashtirilgan tizimi ishlab chiqildi va joriy etildi;
- “Loyliken” uran konida qazib olish majmuasi foydalanishga topshirildi.
1997-yil
- “Kindik-Tepa” konida uranni yerostida tanlab eritmaga o‘tkazish koni foydalanishga topshirildi;
- 1-gidrometallurgiya zavodida suyuq shishani sanoat tarzida ishlab chiqarish o‘zlashtirildi;
- “O‘zbekiston konchilik xabarnomasi” ilmiy-texnik, ishlab chiqarish jurnali ta’sis etildi.
1996-yil
- Jeroy-Sirdaryo fosforitlar konining Tashqo‘ra uchastkasida konchilik ishlari boshlandi;
- Janubiy kon boshqarmasida plastmassa quvurlari ishlab chiqarish sexi foydalanishga topshirildi.
1995-yil
- 3-gidrometallurgiya zavodining birinchi navbati va “Ko‘kpatas” konida karyerlar foydalanishga topshirildi;
- Oltinni uyumlarda tanlab eritmaga o‘tkazish majmuasi foydalanishga topshirildi;
- Janubiy kon boshqarmasida “Chingali” marmar qazib olish koni va plitkalar ishlab chiqarish bo‘yicha liniya foydalanishga topshirildi;
- Navoiy davlat konchilik instituti tashkil etildi.
1994-yil
- London qimmatbaho metallar quymalari bozori assotsiatsiyasi tomonidan NKMKga “Optimal yetkazish” maqomi berildi;
- Shimoliy kon boshqarmasida Avtotransport boshqarmasi tashkil etildi.
1993-yil
- NKMKga mahsulotining yuqori sifati uchun “Sifat uchun brilliant yulduz” (Braziliya) sovrini va “Sifat uchun sovrin” (Ispaniya) topshirildi;
- 5-kon boshqarmasi NKMK tarkibiga kiritildi;
- Janubiy kon boshqarmasida marmar qazib olish bo‘yicha “2-Jom” koni foydalanishga topshirildi.
1992-yil
- Zargarlik buyumlari ishlab chiqaradigan “Zarispark” qo‘shma korxonasi, hozirda NKMK tarkibiga kiruvchi zargarlik buyumlari zavodi ishga tushirildi;
- “Agama” to‘quv-trikotaj fabrikasi tashkil etildi.
1991-yil
- 1991 yil 1 sentyabr – O‘zbekiston Respublikasi mustaqilligi kuni deb e’lon qilindi.
- 2-gidrometallurgiya zavodida 22-blok ishga tushirildi;
- “Ko‘kpatas”, “Sharqiy” konlarida kon ishlari boshlandi;
- Ta’mirlash-mexanika zavodi Navoiy mashinasozlik zavodi deb qayta nomlandi.
90-yillar...
1989-yil
- Ta’mirlash-mexanika zavodida birinchi NT-200I rusumli tokarlik stanogi tayyorlandi.
1986-yil
- Zarafshon-Uchquduq ichimlik suvi tarmog‘i qurildi va foydalanishga topshirildi;
- 1-gidrometallurgiya zavodida ammoniy perrenati ishlib chiqarish boshlandi.
1985-yil
- Uchquduqda sulfat kislota zavodi foydalanishga topshirildi.
1984-yil
- Zafarobodga shahar tipidagi posyolka maqomi berildi.
1983-yil
- 1-gidrometallurgiya zavodida uran konlari rudalarini qayta ishlash va tayyor mahsulot chiqarishning maksimal unumdorligiga erishildi.
1980-yil
- Shimoliy kon boshqarmasining foydali elementlar majmuasiga rentgenospektral, rentgenoradiometrik va spektral tahlillar joriy etildi.
80-yillar...
1978-yil
- “Beshqoq” konida birinchi mahsulot – uran olindi;
- Shimoliy kon boshqarmasida simsiz radioeshittirish tarmog‘i va teletranslyator qurildi.
1977-yil
- “Muruntov” konining gamma-aktivatsion tahlil laboratoriyasida birinchi 3 mingta namuna olindi;
- Ta’mirlash-mexanika zavodida BUG-3M rusumli kombaynlarni tayyorlash boshlandi.
1975-yil
- “Muruntov” konidan dastlabki 100 milllion kubometr kon massasi tashib chiqildi;
- 2-gidrometallurgiya zavodining uchinchi navbati ishga tushirildi;
- Ta’mirlash-mexanika zavodida arkalardan tarkib topgan mustahkamlagich tayyorlaydigan mexanizatsiyalashgan liniya foydalanishga topshirildi;
- Zafarobod qo‘rg‘oni tashkil etildi.
1973-yil
- NKMK oltiniga davlat “Sifat belgisi” berildi;
- 2-gidrometallurgiya zavodining ikkinchi navbati ishga tushirildi;
- Ta’mirlash-mexanika zavodida MBL-M va MBLDSH rusumli kombaynlarni tayyorlash boshlandi.
1972-yil
- Janubiy kon boshqarmasida uranni yerostida tanlab eritmaga o‘tkazish yo‘li bilan olishning sinov ishlari boshlandi;
- 2-gidrometallurgiya zavodida kumush ishlab chiqarish o‘zlashtirildi.
1970-yil
- “Janubiy Bukinay” konida birinchi mahsulot – uran olindi.
70-yillar...
1969-yil
- “Janubiy Bukinay” konini o‘zlashtirish boshlandi;
- 1-gidrometallurgiya zavodi tayyor mahsulotni chala oksid ko‘rinishida chiqarishga o‘tdi;
- 2-gidrometallurgiya zavodida og‘irligi 11 kilogramm 820 gramm bo‘lgan birinchi oltin quymasi olindi;
- Zarafshon-Uchquduq suv quvuri foydalanishga topshirildi.
1967-yil
- 1 martda “Muruntov” konida birinchi portlatish amalga oshirildi;
- “Muruntov” konini ochiq usulda o‘zlashtirish boshlandi;
- 2-gidrometallurgiya zavodi qurilishi boshlandi.
1966-yil
- Uchquduq-Zarafshon yo‘li qurilishi boshlandi.
1965-yil
- “Surgali” konining qidiruv-foydalanish stvollarini kovlab o‘tish va foydalanish konining qurilishi boshlandi;
- Zarafshon qurilish boshqarmasi tomonidan Zarafshon shahrida birinchi uy topshirildi.
1964-yil
- Markaziy va Janubiy kon boshqarmalari tashkil etildi;
- “Sobirsoy” konida sinov ishlari boshlandi;
- 1-gidrometallurgiya zavodi foydalanishga topshirildi va uran chala oksidining sanoat ishlab chiqarilishi boshlandi;
- Nurobod shahrining qurilishi boshlandi.
1963-yil
- Shimoliy kon boshqarmasida uranni yer ostida tanlab eritmaga o‘tkazish yo‘li bilan ajratib olish texnologiyasi joriy etildi;
- Navoiy-Uchquduq elektr uzatish liniyasi ishga tushirildi.
1962 yil
- Markaziy ilmiy-tadqiqot laboratoriyasi va 1-tajriba sexi foydalanishga topshirildi, unda “Uchquduq” koni rudalaridan uran ajratib olish texnologiyasining sinovlari boshlandi;
- Ta’mirlash-mexanika zavodi qurilishi boshlandi;
- Uchquduq-Navoiy telefon aloqasi liniyasi o‘tkazildi;
- Shimoliy kon boshqarmasida birinchi “KGT-01” rotor kompleksi foydalanishga topshirildi.
1961-yil
- Uchquduqqa suv quvurlari o‘tkazish boshlandi;
- Yo‘lovchilar uchun Navoiy-Uchquduq temir yo‘li ochildi.
1960-yil
- Uchquduqda qurilish boshqarmasi tashkil topdi va dastlabki turarjoylar foydalanishga topshirildi;
- Navoiy-Uchquduq temir yo‘li ishga tushirildi.
- “Sobirsoy” koni ochildi.
60-yillar...
1959-yil
- Uchquduqqa shahar tipidagi posyolka maqomi berildi.
1958-yil
- 1 sentyabr – Navoiy kon-metallurgiya kombinati tashkil topgan kun;
- Karmana stansiyasi yonida tashkil etilgan shaharga buyuk shoir Alisher Navoiy nomi berildi;
- Uchquduqda 1-avtokorxona tashkil etildi, 1,2,7-yerosti konlarining qurilishi boshlandi;
- “Muruntov” koni ochildi
1956-yil
- Doimiy suv ta’minoti majmuasi, GRES, Navoiy-Uchquduq temir yo‘li, aeroport qurilishi boshlandi.
1952-yil
- “Uchquduq” koni ochildi.
