• Yaratildi: 25.07.2022
• Yangilandi: 25.07.2022
• O'qildi: 3715

“NKMK” AJ dasturiy mahsulotlari davlat ro‘yxatidan o‘tkazilmoqda 

“Elektron hisoblash mashinalari uchun yaratilgan dasturlar va maʼlumotlar bazalarining huquqiy himoyasi to‘g‘risida”gi O‘zbekiston Respublikasining Qonuniga muvofiq, “Navoiy kon-metallurgiya kombinati” aksiyadorlik jamiyatida Axborot kommunikatsiya texnologiyalari boshqarmasi mutaxassislari tomonidan ishlab chiqilgan dasturiy mahsulotlarni Adliya vazirligi huzuridagi Intellektual mulk agentligida davlat ro‘yxatidan o‘tkazish ishlari boshlandi.

Birinchi bosqichda 2 ta axborot tizimi – “Moliyaviy-xo‘jalik faoliyatni boshqarish va biznesni rejalashtirishning avtomatlashtirilgan tizimi” va “NKMK va NDKTU elektron kutubxonasi” davlat ro‘yxatidan o‘tkazildi.

Ushbu axborot tizimlarining huquqlari “NKMK” AJga tegishli bo‘lib, ularning mualliflari AKTB boshlig‘i B.Davlatov, AKTB boshlig‘ining raqamli texnologiyalarni joriy etish bo‘yicha o‘rinbosari R.Xayrullin, AKTB bo‘lim boshlig‘i J.Mavlonov, AKTB muhandis-dasturchisi A.Alimovlardir.

Keyingi bosqichda yana 12 ta axborot tizimini davlat ro‘yxatidan o‘tkazish rejalashtirilgan.

“NKMK” AJ Matbuot xizmati.