• Yaratildi: 21.07.2022
• Yangilandi: 21.07.2022
• O'qildi: 4702

“NKMK” AJ bosh muhandisi, boshqaruv aʼzosi tayinlandi

“NKMK” AJ Kuzatuv kengashining tegishli qaroriga muvofiq, Ravshanov Atabek Fayzullayevich “Navoiy kon-metallurgiya kombinati” aksiyadorlik jamiyati bosh muhandisi, boshqaruv aʼzosi etib tayinlandi.

Tayinlovdan oldin A.Ravshanov “NKMK” AJ “Muruntov” koni boshlig‘i lavozimida faoliyat olib borgan edi. 

Atabek Ravshanov 1980-yilda Navoiy shahrida tug‘ilgan. 2001-yilda Navoiy davlat konchilik instituti bakalavriati hamda 2004-yilda shu oliy taʼlim muassasasining magistraturasini tamomlagan. 

A.Ravshanov mehnat faoliyatini Navoiy kon-metallurgiya kombinati Markaziy kon boshqarmasi “Muruntov” shaxtasida kon ishchisi bo‘lib boshlagan. Keyinchalik u “Muruntov” shaxtasida turli rahbarlik lavozimlarda ishlagan. Shuningdek, Markaziy kon boshqarmasi bosh muhandisining o‘rinbosari va bosh muhandisi lavozimlarida faoliyat yuritgan.

Bungacha mazkur lavozimida ishlagan Snitka Nikolay Pavlovich “NKMK” AJ bosh muhandisining maslahatchisi etib tayinlandi.         

 “NKMK” AJ Matbuot xizmati.