O'zbekiston Respublikasi, Navoiy viloyati, Navoiy sh., Navoiy ko'chasi 27
Du - Ju: 08:00 - 17:00
Dam olish kunlari: shanba,yakshanba
 |
 |
 |
 |
 |
 |
 |
 |
 |
Oila - baxt qo‘rg‘oni
- Yaratildi: 24.06.2022
- Yangilandi: 24.06.2022
- O'qildi: 5068
Oila - baxt qo‘rg‘oni
Oila muqaddas dargoh. Uning mustahkamligi mamlakatimizda qonun humoyasidadir.
Bosh qomusimizning 63-moddasida belgilab qo‘yilganidek, “Oila jamiyatning asosiy bo‘g‘inidir hamda jamiyat va davlat muhofazasida bo‘lish huquqiga ega. Nikoh tomonlarning ixtiyoriy roziligi va teng huquqliligiga asoslanadi.
Joriy yilning 23-iyun kuni Zarafshon shahrida “NKMK” AJ Markaziy kon boshqarmasi, Zarafshon qurilish boshqarmasi hamda “NKMK Jamg‘armasi” DK mehnat jamoalari ishtirokida “Oila - baxt qo‘rg‘oni” mavzusida o‘tkazilgan tadbir oilalar mustahkamligi masalalariga bag‘ishlandi.
Tadbir “Navoiy kon-metallurgiya kombinati” aksiyadorlik jamiyati Ayollar kengashi, Zarafshon shahar hokimligi, Navoiy viloyati Adliya boshqarmasi, viloyat ayollarni reabilitatsiya qilish va moslashtirish markazi, viloyat musulmonlar idorasi, viloyat xotin-qizlar jamoatchilik kengashi hamda “NKMK Jamg‘armasi” davlat muassasasi hamkorligida tashkil etildi.
Kunning birinchi yarmida "Oila mustahkamligining huquqiy asoslari" mavzusida amaliy tadbir o‘tkazilib, unda shahar hududida istiqomat qilayotgan xonadonlar sharoiti tanishtirilib, ajrim yoqasida turgan oilalar bilan yakka tartibda muhokama va tushuntirish ishlari olib borildi.
Shundan so‘ng, hamkor tashkilot vakillari Zarafshon shahrida yangi tashkil etilgan ayollarni ijtimoiy moslashtirish va reablitatsiya qilish markazining ochilish tadbirida ishtirok etdilar.
Tadbir Markaziy kon boshqarmasi faollar zalida “Oilani asrash-jamiyatni asrashdir” mavzusidagi muloqot bilan davom etdi.
Suhbat mobaynida oila mustahkamligining diniy va huquqiy asoslari, oilaviy nizolarga sabab bo‘layotgan psixologik omillar va ularning oldini olish choralari haqida so‘z yuritilib, adliya boshqarmasi masʼullari tomonidan qonunchilikdagi yangiliklar, xotin-qizlar uchun mavjud imtiyozlar to‘g‘risida maʼlumotlar berildi.
Mavzular videorolik va qisqametrajli filmlar asosida jonli tarzda ochib berildi.
S.NAZAROVA,
“NKMK” AJ Ayollar kengashi raisi.
