• Yaratildi: 03.06.2022
• Yangilandi: 03.06.2022
• O'qildi: 2830

Kombinatda avtobuslar parki bosqichma-bosqich yangilanayapti

Oldin xabar berganimizdek, so‘nggi yillarda “NKMK” AJda ishchi-xodimlarga transport xizmati ko‘rsatishni yaxshilash maqsadida, kombinat bo‘linmalariga zamonaviy avtobuslar keltirilmoqda.

Jumladan, 2020-2022-yillarga mo‘ljallangan “NKMKda avtobuslarda tashishni optimallashtirish va tashish xavfsizligini taʼminlash” loyihasi doirasida joriy yilning boshidan buyon kombinatga 70 ta 26 o‘rinli “ISUZU NP-26” rusumli va Xitoyda ishlab chiqarilgan 10 ta 45 o‘rinli “Sinotruk Howo ZZ6116H5QA” avtobuslari keltirilgan edi.

Yaqinda Markaziy kon boshqarmasidagi 9-avtokorxonasiga 15 ta 45 o‘rinli “Sinotruk Howo ZZ6116H5QA” avtobuslari olib kelindi. Konditsioner, videokuzatuv kamerasi bilan jihozlangan, yumshoq o‘rindiqli yangi  avtobuslarning ko‘payib borayotganligi, yaratilayotgan qulayliklardan  kombinat ishchi-xodimlari va mutaxassislari behad mamnun bo‘lishmoqda.

Ushbu avtobuslardan kombinat ishchi-xodimlarini ish joylariga  tashish, shuningdek, ishchi-xizmatchilar, ularning oilalari uchun  yurtimizning tarixiy shaharlariga turistik sayohatlarini tashkil etish  hamda ishchi-xizmatchilarimizni dam olish maskanlariga, farzandlarini  yozgi dam olish oromgohlariga olib borish va olib kelish maqsadida  foydalaniladi.

“NKMK” AJ matbuot xizmati.