• Yaratildi: 22.04.2022
• Yangilandi: 06.09.2022
• O'qildi: 4534

“Zakovat” intellektual o‘yinining “NKMK kubogi” final  bosqichi o‘tkazildi

“Navoiy kon-metallurgiya kombinati” aksiyadorlik jamiyatida yosh ishchi-xodimlarning intellektual salohiyatini yuksaltirish, ular isteʼdodi va faolligini oshirish hamda munosib rag‘batlantirib maqsadida, Yoshlar yetakchilari Kengashi tashabbusi bilan yoshlar o‘rtasida turli tanlovlar tashkil etib kelinmoqda.

Bugungi kunda mamlakatimizda “Zakovat” intellektual o‘yini yoshlar o‘rtasida bilimdonlikni shakllantirib, ularning intellektual salohiyati, iqtidori va izlanuvchanligini rivojlantirmoqda. “NKMK” AJ bo‘linmalarida yosh ishchi-xodimlar o‘rtasida ham “Zakovat” intellektual o‘yinlari o‘tkazilib, saralash bosqichlarida 100 dan ortiq yoshlar jamoalari qatnashdi. O‘yinda jami 9 ta yoshlar jamoalari, shundan “NKMK” AJ bo‘linmalaridan 7 ta hamda “Navoiyuran” DK va “NKMK jamg‘armasi” DM jamoalari finalda ishtirok etish yo‘llanmasiga ega bo‘lishdi.      

2022-yilning 22-aprel kuni Navoiy shahridagi “Farhod” madaniyat saroyida “Zakovat” intellektual o‘yinining “NKMK kubogi” final  bosqichi bo‘lib o‘tdi. Intellektual o‘yin qoidalariga muvofiq, har bir jamoa besh nafar ishtirokchidan iborat bo‘lib, jamoalarga jami 24 ta savol berildi va har bir savolga javob berish uchun bir daqiqadan vaqt ajratildi.

Yakuniy natijalarga ko‘ra, “Zakovat” intellektual o‘yinida Shimoliy kon boshqarmasi va “NKMK jamg‘armasi” DM jamoalari faxrli uchinchi va  ikkinchi o‘rinlarni egallashdi. G‘oliblikni Zarafshon qurilish boshqarmasi yoshlar jamoasi qo‘lga kiritdi.

G‘olib va sovrindorlarga diplom va qimmatbaho sovg‘alar topshirildi.

“NKMK” AJ matbuot xizmati.