• Yaratildi: 04.02.2022
• Yangilandi: 04.02.2022
• O'qildi: 2637

Hamkor kompaniya tomonidan zamonaviy avtomashinalar sovg‘a qilindi

Samarqand avtomobil zavodi – “SamAuto” kompaniyasining xabariga ko‘ra, AQShning “Caterpillar” kompaniyasining O‘zbekistondagi rasmiy vakili “Zeppelin Uzbekistan” tomonidan “Navoiy kon-metallurgiya kombinati” aksiyadorlik jamiyatiga Samarqandda ishlab chiqarilgan ISUZU D-MAX rusumli 4 ta avtomashinasi sovg‘a qilindi.

Xabarda keltirilganidek, mazkur avtomashinalar ikkita kompaniyaning hamkorlik memorandumi doirasida “NKMK” AJning oltin qazib olish konlarida ishlatiladigan “Caterpillar” qudratli konchilik texnika va uskunalariga o‘z vaqtida texnik xizmat ko‘rsatish maqsadida taqdim etildi.     

Taʼkidlash kerakki, Navoiy kon-metallurgiya kombinati va “Caterpillar” kompaniyasi 30 yildan buyon samarali hamkorlik qilib kelmoqda. Kombinat bo‘linmalaridagi oltin qazib olish konlar va korxonalarda ko‘plab “Caterpillar” rusmli og‘ir yuk tashuvchi avtoag‘dargichlar, boldozerlar va boshqa konchilik texnikalaridan keng foydalaniladi.

“NKMK” AJ axborot xizmati.

Surat: “SamAuto” kompaniyasi.