• Yaratildi: 13.01.2022
• Yangilandi: 13.01.2022
• O'qildi: 2264

NKMK: 2021-yildagi murojaatlar tahlili

2021-yil davomida Navoiy kon-metallurgiya kombinati rahbariyati nomiga jami 2 819 ta yozma, og‘zaki, elektron va O‘zbekiston Respublikasi Prezidentining virtual va Xalq qabulxonalari hamda Bosh vazirining tadbirkorlar murojaatlarini ko‘rib chiqish qabulxonasi orqali murojaatlar kelib tushgan.

Jumladan, og‘zaki murojaatlar soni 167 ta, yozma murojaatlar 782 ta, elektron murojaatlar 1 874 tani tashkil etgan. Shundan, O‘zbekiston Respublikasi Prezidentining virtual qabulxonasi orqali jismoniy va yuridik shaxslardan jami 1 748 ta murojaat kelib tushgan. NKMK rahbariyatining jismoniy shaxslarni va yuridik shaxslarning vakillarini qabul qilish hamda bo‘linmalarda sayyor qabullarni tashkil qilish jadvali tasdiqlangan bo‘lib, o‘tgan yilda jami 150 nafar fuqarolar qabul qilindi. Mazkur murojaatlar bo‘yicha joyida huquqiy tushunchalar berildi.

 Yozma murojaatlarni ko‘rib chiqish natijasiga ko‘ra, murojaatlarning 257 tasi ijobiy hal qilingan, 516 tasi bo‘yicha tushuntirish berilgan, 7 tasi rad etilgan, 2 tasi jarayondadir.

O‘zbekiston Respublikasi Prezidentining virtual qabulxonasi orqali kelib tushgan murojaatlarni ko‘rib chiqish natijasiga ko‘ra, murojaatlarning 611 tasi ijobiy hal qilingan, 1 016 tasi huquqiy maʼlumot berish orqali hal qilingan, 101 tasi bo‘yicha tushuntirish berilgan, 8 tasi rad qilingan, 6 tasi ko‘rmasdan qoldirilgan, 6 tasi tugatilgan.

2021-yilda kelib tushgan murojaatlarda ishga joylashish, ishga tiklash, ish haqi, mehnat va bandlik sohasi, uy-joy, taʼlim, pensiya va nafaqa pullari, ijtimoiy himoya, kommunal sohasi, sog‘liqni saqlash va boshqa mavzular bilan bog‘liq masalalar ko‘tarildi.

“NKMK” AJ matbuot xizmati.