• Yaratildi: 12.01.2022
• Yangilandi: 12.01.2022
• O'qildi: 2780

Chililik ekspertlar “NKMK” AJda bo‘ldi

Mamlakatimiz tog‘-kon va mis sanoati klasterini chililik ekspertlar ishtirokida 2030-yilgacha rivojlantirish Konsepsiyasi loyihasini amalga oshirish doirasida Chili davlatidan kelgan ekspertlar guruhi 12-yanvar kuni “Navoiy kon-metallurgiya kombinati” aksiyadorlik jamiyatida bo‘ldi.

Chili Universiteti muhandis-kimyogari, materialshunoslik fanlari bo‘yicha nomzod Xuan Karlos Salas hamda xalqaro munosabatlarni rivojlantirish siyosati bo‘yicha mutaxassis Melvin Romero San Martin “Muruntov” konida bo‘lib, qonda maʼdan qazib olish jarayoni bilan yaqindan tanishishdi.

“NKMK” AJ boshqarmasida xorijlik ekspertlar “Navoiy kon-metallurgiya kombinati” aksiyadorlik jamiyati Boshqaruvi raisi – Bosh direktori Q.Sanaqulov bilan uchrashishdi. Uchrashuv davomida tog‘-kon va mis sanoati klasteri bo‘yicha istiqbolli rejalar muhokama qilindi. Shuningdek, Navoiy davlat konchilik instituti olimlari bilan ilmiy hamkorlik qilish yuzasidan o‘zaro fikr almashildi.

Taʼkidlash kerakki, Chili dunyoda mis ishlab chiqarish bo‘yicha yetakchi davlatlardan biri hisoblanadi.

“NKMK” AJ matbuot xizmati.