1967-yil 1-martida “Muruntov” konida birinchi ommaviy portlatish amalga oshirildi va konni ochiq usulda o‘zlashtirish boshlandi. 1967-yilda 2-gidrometallurgiya zavodi qurilishi boshlandi. Konchi va metallurglarning olib borgan ishlari natijasida 1969-yil 21-iyulda esa tarixiy voqea – 2-GMZda birinchi marta “Muruntov” konida qazib olingan maʼdandan 11 kilogramm 820 grammlik sof oltin yombisi olindi. Qizilqum hududi O‘zbekistonning yirik oltin maʼdanli vohasiga aylandi. Navoiy kon-metallurgiya kombinati esa jahonda oltin ishlab chiqaruvchilar o‘nligiga kirdi. 1971-yildan boshlab zavodda “999,9” probali sof oltin olinishi boshlandi. 1979-yil sentyabrida zavodda tayyor mahsulot sexi, yaʼni oltinni affinaj qilish sexi tashkil etildi.

“Yangilanayotgan O‘zbekiston: Navoiy kon-metallurgiya

kombinatining yangi tarixi” kitobidan.

Kombinat tarixiga oid qiziqarli maʼlumot va faktlarni

keyinchalik ham eʼtiboringizga havola etamiz.