• Yaratildi: 07.12.2021
• Yangilandi: 07.12.2021
• O'qildi: 3506

Yoshlar uchun intelektual o‘yin o‘tkazildi

8-dekabr – O‘zbekiston Respublikasi Konstitutsiyasi qabul qilingan kun va 10-dekabr – O‘zbekiston Respublikasi Davlat madhiyasi qabul qilingan kun munosabati bilan Navoiy mashinasozlik zavodining faollar zalida Navoiy viloyat Adliya boshqarmasi va Navoiy viloyat yuridik texnikumi hamkorligida “Zakovat” intellektual o‘yini tashkil etildi.

Mazkur madaniy-maʼrifiy tadbirda Navoiy davlat pedagogika instituti va Navoiy viloyat yuridik texnikumi talaba yoshlaridan tuzilgan jamoalar ishtirok etdi. Yakuniy natijalarga ko‘ra, texnikum jamoalari 1 va 2-o‘rin, NDPI jamoasi 3-o‘rinni qo‘lga kiritishdi.

Shuningdek, tadbir ishtirokchilariga konsert dasturi namoyish etildi.  

Intellektual o‘yin ishtirokchilariga diplom va Navoiy kon-metallurgiya kombinati tomonidan nashr etilgan kitoblar topshirildi.

“NKMK” AJ matbuot xizmati.