• Yaratildi: 26.11.2021
• Yangilandi: 26.11.2021
• O'qildi: 3375

OAV vakillari 7-gidrometallurgiya zavodida bo‘lishdi

Bugun ommaviy axborot vositalari vakillari uchun Markaziy kon boshqarmasidagi 7-gidrometallurgiya zavodiga press-tur va matbuot anjumani tashkil etildi. Tadbirda Navoiy kon-metallurgiya kombinati vakillari va jurnalistlar ishtirok etishdi.

Press-tur davomida OAV vakillari zamonaviy texnologiyalarga asoslangan 7-gidrometallurgiya zavodida olib borilayotgan ishlar bilan yaqindin tanishishdi.

Shuningdek, korxona ishchi-xodimlari, kombinat yoshlari va OAV vakillari tomonidan mamlakatimiz bo‘ylab davom etayotgan “Yashil makon” umummilliy loyihasi doirasida zavod hududida manzarali daraxt ko‘chatlari o‘tqazildi.

Matbuot anjumani davomida 7-GMZ direktori Farhod Cho‘liyev korxona faoliyati haqida batafsil so‘zlab berdi hamda OAV vakillari savollariga javob berdi.  

Kunning ikkinchi yarimida ommaviy axborot vositalari vakillari uchun press-tur “Muruntov” konida davom etmoqda.

    NKMK Matbuot markazi.