• Yaratildi: 18.11.2021
• Yangilandi: 18.11.2021
• O'qildi: 3446

Kombinat bo‘linmalarida Prezidentimizning maʼruzasi keng o‘rganilmoqda

Navoiy kon-metallurgiya kombinati bo‘linmalarida O‘zbekiston Respublikasi Prezidenti Shavkat Mirziyoyevning inauguratsiya marosimidagi “Yangi O‘zbekiston taraqqiyot strategiyasi asosida demokratik islohotlar yo‘lini qatʼiy davom ettiramiz” mavzusidagi nutqi mazmun-mohiyatini o‘rganishga bag‘ishlangan tadbirlar tashkil etilmoqda.

Ana shunday tadbirlardan biri 17 noyabr kuni Zarafshon shahridagi Markaziy kon boshqarmasida o‘tkazildi. Tadbirda NKMK Jamoatchilik bilan aloqalar bo‘yicha direktori X.Raupov, Markaziy kon boshqarmasi rahbar xodim va mutaxassislari ishtirok etishdi.

NKMK Jamoatchilik bilan aloqalar bo‘yicha direktori X.Raupov so‘zga chiqib, davlatimiz rahbarining lavozimga kirishish marosimidagi nutqi tarixiy ahamiyatga ega ekanligini, chunki aynan shu dasturilamal mamlakatimizning so‘nggi besh yillik taraqqiyotini belgilab berishini alohida taʼkidlab o‘tdi.

Bu kabi tadbirlar kombinat bo‘linmalarida davom etmoqda.

NKMK Matbuot markazi.