• Yaratildi: 17.11.2021
• Yangilandi: 17.11.2021
• O'qildi: 3656

Yoshlar o‘rtasida “NKMK kubogi” turniri yakunlandi

Navoiy  kon-metallurgiya kombinatida yosh ishchi-xodimlar ishdan bo‘sh vaqtlarida sport bilan muntazam shug‘ullanishlari uchun barcha zarur shart-sharoitlar yaratilgan. Yoshlar o‘rtasida jamoaviy sport turlari ommalashgan bo‘lib, NKMK yoshlari yetakchilari Kengashi tashabbusi bilan kombinat bo‘linmalarida sportning mini-futbol va voleybol turlari bo‘yicha musobaqalar tashkil etilayapti.

13-noyabr kuni kombinat yoshlari o‘rtasida o‘tkazilgan mini-futbol va voleybol bo‘yicha “NKMK kubogi” turnirining o‘yinlari yakunlandi. Taʼkidlash kerakka, mazkur turnir doirasida mini-futbol bo‘yicha 14 ta hamda voleybol bo‘yicha 12 ta kombinat bo‘linmalarida faoliyat yuritayotgan yoshlardan iborat jamoalar o‘zaro kuch sinashishdi.

Yakuniy natijalarga ko‘ra, mini-futbolda Markaziy kon boshqarmasi jamoasi g‘oliblikni qo‘lga kiritgan bo‘lsa, Shimoliy kon boshqarmasi jamoasi esa faxrli 2-o‘rin, “1-GMZ” kon boshqarmasi jamoasi 3-o‘rinni egalladi. Voleybol bo‘yicha 5-kon boshqarmasi jamoasi shohsupaning eng yuqori pog‘onasiga ko‘tarildi. Shimoliy va Markaziy kon boshqarmalari jamoalari 2 va 3-o‘rinlarga sazovor bo‘lishdi.

G‘olib va sovrindorlarga diplom va qimmatbaho sovg‘alar topshirildi. 1-o‘rinni qo‘lga kiritgan jamoalar ko‘chma kubok bilan taqdirlandi.

NKMK Matbuot markazi.