• Yaratildi: 17.11.2021
• Yangilandi: 17.11.2021
• O'qildi: 3682

Temir yo‘l infratuzilmasi: modernizatsiya va izchil rivojlanish yo‘lida

Transport mamlakat iqtisodiy qudratini belgilovchi asosiy vositalardan biri hisoblanadi. Shu bois keyingi yillarda yurtimizda yo‘l-transport va muhandislik-kommunikatsiyalari qurilishiga alohida eʼtibor qaratilayapti. Natijada yo‘llarimiz ravon, manzilimiz yaqin bo‘lmoqda. Buni mazkur tizimning yetakchi tarmog‘i – temir yo‘l sohasida ro‘y berayotgan salmoqli o‘zgarishlar misolida ham yaqqol ko‘rishimiz mumkin.

Navoiy kon-metallurgiya kombinatida joriy yilning o‘zida yangi temir yo‘llar qurish, mavjud liniyalarni rekonstruksiya qilish, yuk hamda yo‘lovchi tashish transportini modernizatsiya qilish bo‘yicha qator loyihalar amalga oshirildi. 2021-yilda “Yo‘l-transport va muhandislik-kommunikatsiya infratuzilmasini qurish” hamda “Muruntov” konini rivojlantirishning 5-navbati, “Turbay” konlarini o‘zlashtirish uchun qazib olish va qayta ishlash quvvatlarini kengaytirish” investitsiya loyihalariga asosan 6 dona “2TE25 KM” seriyadagi 2 seksiyali zamonaviy teplovozlar, 108 dona “VS-68” modeldagi 4 o‘qli, 22 dona “VS-105” modeldagi 6 o‘qli va 20 dona “VS-67” modeldagi 4 o‘qli avtoag‘dargichli vagonlar, “UK25/18” rusumli zamonaviy kran sotib olindi.

Yaqinda ikki dona magistral teplovozi keltirilishi kutilayapti. Kombinat bo‘linmalariga azotli kislotani tashishga mo‘ljallangan 11 dona sisternali vagonlar olib kelingan bo‘lsa, yaqin kelajakda sulfatli kislotasini tashishga mo‘ljallangan 30 dona sisternali vagonlar keltiriladi.

Xarid qilingan zamonaviy teplovoz va vagonlar, temir yo‘l infratizimining rivojlanishi, yangi-yangi temir yo‘llar qurilib ishga tushirilishi  imkoniyatlarimizni ancha oshirmoqda. Endilikda kombinat tizimidagi temir yo‘llarida kuniga 137 ming 500 tonna maʼdan tashilmoqda.

NKMK Matbuot markazi.