• Yaratildi: 13.11.2021
• Yangilandi: 24.11.2021
• O'qildi: 2731

Prezident maʼruzasi kombinat jamoasi o‘rtasida keng targ‘ib qilinmoqda

O‘zbekiston Respublikasi Prezidenti Shavkat Mirziyoyevning inauguratsiya marosimidagi “Yangi O‘zbekiston taraqqiyot strategiyasi asosida demokratik islohotlar yo‘lini qatʼiy davom ettiramiz” mavzusidagi nutqi mazmun-mohiyati Navoiy kon-metallurgiya kombinatining ko‘pming kishilik jamoasi o‘rtasida keng o‘rganilmoqda.

Kombinat bosh direktori Q.Sanaqulov raisligida o‘tgan bir yarim ming kishilik videoselektor yig‘ilishi ham ushbu tarixiy maʼruza targ‘ibotiga qaratildi.

- Muhtaram Prezidentimizning lavozimga kirishish marosimidagi nutqi tarixiy ahamiyatga ega, - dedi Jamoatchilik bilan aloqalar bo‘yicha direktor X.Raupov o‘z chiqishida. - Chunki aynan shu dasturilamal O‘zbekiston Respublikasining so‘nggi besh yillik taraqqiyotini belgilab beradi. Kombinat ishchi-xodimlari ham bu vazifalarni amalga oshirishda hamda Yangi O‘zbekiston ravnaqi yo‘lidagi yangi marralarni zabt etish uchun  fidokorona mehnat qiladi.

Videoselektor kun tartibida davlatimiz rahbari maʼruzasi mazmun-mohiyatini bo‘linmalarda mehnat qilayotgan ishchi-xodimlarga yetkazish yuzasidan chora-tadbirlar belgilandi.

NKMK Matbuot markazi.