• Yaratildi: 12.11.2021
• Yangilandi: 12.11.2021
• O'qildi: 2951

O‘zbek olimlarining kitobi Germaniyada chop etildi

Navoiy kon-metallurgiya kombinati faoliyati misolida Qizilqum mintaqasini uzoq muddatli innovatsion rivojlantirish strategiyasiga bag‘ishlangan “Strategy of the long-term development of the Kyzylkum region” (“Стратегия долгосрочного инновационного развития Кызылкумского региона”) nomli kitob Germaniyada nashr etildi.

NKMK bosh direktori, texnika fanlari doktori, professor Q.Sanaqulov, texnika fanlari doktori, professor A.Qodirov muallifligidagi mazkur kitob ingliz va rus tillarida nashr etilgan bo‘lib, unda korxona faoliyati negizida Qizilqum mintaqasini uzoq muddatli innovatsion rivojlantirish strategiyasining konseptual asoslarini ishlab chiqish, mintaqaning ekologik, energetika va suv resurslaridan foydalanish holati va istiqbollarini o‘rganish bo‘yicha o‘tkazilgan tadqiqotlar natijalari keltirilgan.

Shuningdek, ushbu kitobda Qizilqum mintaqasida ishga tushirilayotgan yangi obyektlarni inobatga olgan holda investitsiya, mahalliylashtirish va tarmoqlararo kooperatsiyasi hamda mintaqaning tarkibini tabiiy-sanoat tizim sifatida shakllantirish masalalari ko‘rib chiqilgan.

Kitob yirik tizimlarni tizimli tahlil qilish, hududlar va konchilik sanoati majmualarini rivojlantirish bilan shug‘ullanuvchi olimlar, mutaxassislarning keng doirasi hamda oliy taʼlim muassasalarining magistr va doktorantlari uchun mo‘ljallangan.

NKMK Matbuot markazi.