• Yaratildi: 02.11.2021
• Yangilandi: 02.11.2021
• O'qildi: 382

Kombinat xodimlari Maʼnaviyat va maʼrifat markazida

Navoiy kon-metallurgiya kombinati ishchi-xodimlari Navoiy shahrida yaqinda ish boshlagan Maʼnaviyat va maʼrifat markaziga tashrif buyurdilar.

Zamonaviy  majmua – Maʼnaviyat va maʼrifat markaziga tashrif buyuruvchi yurtdoshlarimiz soni kundan-kunga ortib bormoqda. Boisi u yerdagi anjumanlar zali, Birinchi va Ikkinchi uyg‘onish davri allomalari, buyuk sanʼat darg‘alari va adabiyoti namoyondalari to‘g‘risida qimmatli maʼlumot beruvchi maʼrifat xonasi hamda viloyat tarixi muzeyi har bir insonda katta qiziqish uyg‘otadi.

– Viloyatimizning qadimgi tarixi va bugungi yangi O‘zbekistonda kechayotgan islohotlar bilan uyg‘unlashgan turli ko‘rgazmali vositalari, sara tarixiy anjomlari bilan yana-da boyitilibdi. Ayniqsa, tasviriy sanʼat ustalarining qishloqlar hayotini mahorat bilan rang-tasvir bo‘yoqlarida yoritgani menga juda yoqdi, – deydi Geologiya-qidiruv ekspeditsiyasi xodimasi Muhayyo Hayitova.

Kombinat ishchi-xodimlari Maʼnaviyat va maʼrifat markazidan bir olam taassurot bilan qaytdilar.

NKMK Matbuot markazi.