• Yaratildi: 07.07.2021
• Yangilandi: 07.07.2021
• O'qildi: 1984

Kombinat uchun kadrlarni tayyorlaydigan yetakchi institut

Navoiy davlat konchilik instituti O‘zbekiston Respublikasi Prezidentining 1995 yil 7 iyulda qabul qilingan “Navoiy davlat konchilik institutini tashkil etish to‘g‘risida”gi farmoniga muvofiq tashkil topgan.

Ayni paytda mazkur oliygoh Navoiy kon-metallurgiya kombinati uchun zarur mutaxassislarni tayyorlaydigan mamlakatimizning asosiy oliy taʼlim muassasalaridan biridir. 2016 yilda kombinat tomonidan eng zamonaviy laboratoriya jihozlari bilan taʼminlan institutning yangi o‘quv binosi bunyod etilib, foydalanishga topshirildi.

Bugungi kunda institutda asosan yirik sanoat korxonalari uchun malakali muhandis-texnik kadrlar, konchilar, metallurglar, mexaniklar va energetiklar o‘qitilmoqda.

2014 yilning aprel oyidan boshlab Navoiy kon-metallurgiya kombinati bosh direktori, texnika fanlari doktori, professor Quvondiq Sanaqulov o‘rindoshlik asosida Navoiy davlat konchilik instituti rektori lavozimida faoliyat yuritib kelmoqda.

Kombinat rahbariyati tomonidan doimiy ravishda konchilik institutining professor-o‘qituvchilari va talabalarini har tomonlama qo‘llab-quvvatlash, ularning korxona hayotidagi faolligini oshirishga qaratilgan samarali ishlar olib borilmoqda.

NKMK Matbuot markazi.