• Yaratildi: 03.04.2021
• Yangilandi: 05.04.2021
• O'qildi: 2805

Musobaqa g‘oliblari aniqlandi

3 aprel kuni Navoiy shahridagi Sport saroyida “Otam, onam va men – ahil sportchilar oilasimiz” sport musobaqasining final bosqichi bo‘lib o‘tdi. Unda Navoiy kon-metallurgiya kombinati bo‘linmalaridan o‘nta jamoa ishtirok etdi.

Murosasiz kechgan musobaqa yakuniy natijalariga ko‘ra, Navoiy mashinasozlik zavodidan qatnashgan oilaviy jamoa faxrli 1-o‘rinni, Axborot-kommunikatsiya texnologiyalari boshqarmasidan qatnashgan oilaviy jamoa faxrli 2-o‘rinni va “1-GMZ” kon boshqarmasidan qatnashgan oilaviy jamoa faxrli 3-o‘rinni qo‘lga kiritdi.

Bundan tashqari, Zarafshon sanoat maydonidan ishtirok etgan “Alpomish” oilaviy jamoasi “Eng namunali sportchi oila”, deb topildi.

G‘olib va sovrindorlar musobaqa tashkilotchilarining faxriy yorliqlari va qimmatbaho sovg‘alari bilan taqdirlandilar.

NKMK Matbuot markazi.