• Yaratildi: 03.03.2021
• Yangilandi: 03.03.2021
• O'qildi: 2003

Kombinat ishchi-xodimlari suzish bo‘yicha kuch sinashdi

Yaqinda Zafarobod qo‘rg‘onidagi “Yangi hayot” sog‘lomlashtirish majmuasida Navoiy kon-metallurgiya kombinati ishchi-xodimlari o‘rtasida sportning suzish turi bo‘yicha musobaqa o‘tkazildi.

Kombinat ishchi-xodimlari o‘rtasida sog‘lom turmush tarzini keng targ‘ib qilish hamda ularni ommaviy sportga jalb etish maqsadida tashkil etilgan musobaqada Markaziy, Shimoliy, Janubiy kon boshqarmalari, 5-kon boshqarmasi va Navoiy shahridagi “So‘g‘diyona” jismoniy tarbiya va sport klubi jamoalaridan 50 nafarga yaqin vakillar qatnashdi.

Yakuniy natijalarga ko‘ra, umumjamoa hisobida Shimoliy kon boshqarmasi jamoasi g‘oliblikni qo‘lga kiritdi. 5-kon boshqarmasi va Markaziy kon boshqarmasi jamoalari ikkinchi va uchinchi o‘rinlarni egallashdi.

G‘olib va sovrindorlarga diplom va esdalik sovg‘alar topshirildi.

NKMK Matbuot markazi.