• Yaratildi: 25.02.2021
• Yangilandi: 25.02.2021
• O'qildi: 2622

Kombinatda fan doktorlari safi kengaydi

Navoiy kon-metallurgiya kombinatida faoliyat yuritayotgan olimlarning ilm-fan sohasida qo‘lga kiritayotgan yutuqlari tahsinga munosibdir. Korxonada yaratilayotgan shart-sharoitlar tufayli ilm-fan yo‘nalishida izlanishlar olib borib, ilmiy darajalarga erishayotganlar safi yildan-yilga kengayib bormoqda.

Yaqinda NKMK boshqarmasi Moliya-iqtisod boshqarmasi Reja-iqtisod bo‘limi boshlig‘i Umidjon Kostayev “Strategik boshqaruv hisobi metodologiyasini takomillashtirish” mavzusidagi doktorlik ilmiy ishini muvaffaqiyatli himoya qildi. Unga O‘zbekiston Respublikasi Vazirlar Mahkamasi huzuridagi Oliy attestatsiya komissiyasi tomonidan iqtisodiyot fanlari doktori ilmiy darajasi berildi.

Olim va tajribali mutaxassis U.Kostayevga mehnat faoliyati hamda ilmiy izlanishlar yo‘lida kuch-g‘ayrat va yutuqlar tilaymiz.

NKMK Matbuot markazi.