• Yaratildi: 02.02.2021
• Yangilandi: 02.02.2021
• O'qildi: 2954

Oltin konlar hududida geoturizm va sanoat turizmi rivojlantiriladi

O‘zbekiston Respublikasi Turizmni rivojlantirish davlat qo‘mitasining rasmiy veb-saytida Navoiy kon-metallurgiya kombinati bo‘linmalarida tarkibida oltin bo‘lgan maʼdan qazib olinadigan konlar hududida geoturizm va sanoat turizmni rivojlantirish rejalashtirilganligi haqida xabar qilindi.

Ushbu xabarda keltirilishicha, turizmning yangi turlarini joriy etish maqsadida Turizmni rivojlantirish davlat qo‘mitasi va uning Navoiy viloyati hududiy boshqarmasi vakillari hamda Navoiy kon-metallurgiya kombinati masʼul xodimlaridan iborat ishchi guruhi tomonidan Markaziy kon boshqarmasining “Auminzo-Amantoy” va Shimoliy kon boshqarmasining “Dovg‘iztov” konlari hududida geoturizm va sanoat turizm yo‘nalishlaridagi infratuzilma obyektlari yaqindan o‘rganildi.

Kelgusida mazkur konlarni sayyohlar tashrif buyuradigan turistik maskanga aylantirish rejalashtirilgan. Konlar hududida ishlab chiqarish jarayoniga xalal bermagan holda xorijiy va mahalliy sayyohlar uchun eksklyuziv nou-xau va sanoat turizmining yangicha uslubdagi yo‘nalishini tashkil qilish maqsad qilingan. Sayyohlarning xavfsizligi taʼminlangan holda konlarda tog‘ jinslarini portlatish hamda ishlab chiqarish jarayonlarini uzoq masofadan, panarama oynali maydonchalarda turib kuzatish, shuningdek, ular uchun yengil konstruksiyali dam olish maskanlari va qo‘shimcha xizmat ko‘rsatish obyektlarini tashkil etish nazarda tutilgan.

Batafsil: https://uzbektourism.uz/cyrl/newnews/view?id=1580