• Yaratildi: 24.01.2020
• Yangilandi: 21.12.2020
• O'qildi: 1047

Mamlakatimiz siyosiy hayotida muhim voqea

Bugun O‘zbekiston Respublikasi Prezidenti Shavkat Mirziyoyev O‘zbekiston Respublikasi Oliy Majlisiga navbatdagi Murojaatnomani taqdim etdi.

Navoiy kon-metallurgiya kombinati boshqarmasi majlislar zalida boshqarma bo‘lim va xizmatlari xodimlari uchun Prezident Murojaatnomasini jonli efirda ko‘rsatish tashkil qilindi.

Davlatimiz Rahbarining Murojaatnomasida 2019 yilda mamlakatimizda amalga oshirilgan ishlar, joriy va kelgusi yillarga mo‘ljallangan ustuvor yo‘nalishlar, davlatimiz ichki va tashqi siyosatining asosiy vazifalari bayon etildi. Mamlakatimizda 2020 yil – Ilm-ma’rifat va raqamli iqtisodiyotni rivojlantirish yili, deb e’lon qilindi.

Prezidentning Parlament palatalariga Murojaatnomasida Navoiy kon-metallurgiya kombinatida yangi investitsion loyihalarni amalga oshirish bilan birga, korxonani xalqaro moliya bozorining to‘laqonli ishtirokchisiga aylantirish, buning uchun, 2020 yilda xalqaro standartlar asosida moliyaviy hisobotlarni tuzish, zaxiralarni qayta hisoblash, korporativ oshkoralikni tatbiq etish kabi ishlarni yakunlash zarurligi ta’kidlandi.  

NKMK Matbuot markazi.