• Yaratildi: 07.05.2015
• Yangilandi: 03.12.2020
• O'qildi: 3485

Ma’dan qatlamlarini, ulardan foydalanishning so'nggi bosqichida, yer osti tanlab eritmaga o'tkazish bilan qazish usuli

Foydalanishi: kon qazish sanoati. Foydali qazilmalarni joylanish joyida yer osti tanlab eritmaga o'tkazish usuli bilan, ya’ni mahsulotli eritmalarni yer qa’rida keyinchalik qayta ishlash orqali foydali komponentni suyuq fazaga tanlab o'tkazish bilan qazishda qo'llaniladi.

Vazifasi: Yer qa’rida foydali komponent talafoti kamayishi, texnogen ma’danlar ishlarini o'tkazish jarayonida hosil bo'lgan ishlash hisobiga foydali komponentlarni qazib olishning ortishi, tanlab eritmaga o'tkazuvchi reagentlar sarfining kamayishi, shuningdek, ma’dan joylashuvi qatlamida jinslarni qayta tiklashni o'tkazish.

Ixtiro mohiyati:Qatlamlarni qazib olishning so'nggi bosqichida uning chegaralari hududida qo'shimcha quduqlar, fil’trlar burg'ilanadi, bunda quduqlar foydali qazilma joylanishi ostida ma’danli qatlam pastki suv to'sig'ining yuqori chegaralarigacha joylashadi.Qo'shimcha quduqlar uyum maydoni bo'ylab, yuborish va tortish quduqlar qatorlari orasiga hisoblash yo'li bilan joylashtiriladi. Qo'shimcha quduqlardan eng maqbul kislotali eritma (pH ~1-2) hosil bo'lgunicha mahsulotli eritmalar tortib chiqariladi. Burg'ilangan quduqlarga qo'shimcha tarzda, qatlamda kislotali ertimalarni to'liq neytrallash uchun uyumning bir g'ovaklik hajmi miqdorida ishqorli eritmalar yuboriladi. Quduqlar to'ri va qo'shimcha quduqlar soni hisoblash yo'li bilan aniqlanadi.

Usulning samaradorligi foydali komponentlar qazish hajmiga bog'liq. Quyidagilar hisobiga bunga erishiladi: qo'shimcha sarflarsiz ishlanadigan maydon birligidan 20-25 % ga foydali komponent qazib olishning ortishi; foydali qazilmalar texnogen uyumlarini takroriy qazib olish bilan bog'liq bo'lgan va takroriy qazishdagi moddiy sarf-xarajatlar istisnoliklari; foydali qazilmalar ishlanayotgan qatlamlari ostida ma’dan joylashuvi qatlamini qayta tiklash samaradorligining oshishi.

Ixtiro texnologiyasi №IAP 20090345 UZ O'zbekiston Respublikasi patenti bilan himoyalangan. «Nou – xau» mavjud. Texnologiyani berish faqat ruxsatnomali (litsenziyali) kelishuv bo'yicha amalga oshiriladi.