• Yaratildi: 07.05.2015
• Yangilandi: 03.12.2020
• O'qildi: 3865

Toshli kon massasini kar’erdan tashish uchun qurilma

Mo'ljallanayotgan foydali modelning sanoatlashgan namunasi NKMK “Muruntov” kar’erida 2011 yil mart oyida foydalanishga kiritilgan. Ko'tarilish yuqoriligi (37 gradusli burchak ostida 270 metr), unumdorligi (3500 tonn/soat), sxemalar hamda tuzilmaviy xulosalarning o'ziga xosligi bo'yicha yagona inshoot sanaladi va jahonda unga o'xshashi mavjud emas.

Natijada avtomobil’ transporti bilan kon massasini tashish masofasi o'rtacha 33,5 km ga qisqardi, avtoag'dargichlar unumdorligi esa 30% ga ortdi. Mashinalarning yillik yo'l bosishi 30.4% ga qamaydi. Haydovchilar va ta’mirlovchilar soni 27,2% ga qisqardi, yoqilg'i-moylash materiallari sarfi 37% ga pasaydi. Kar’erda zaharli gazlar bilan ifloslanish qamaydi.

Foydalanishi: kon qazish sanoati. Foydali qazilma konlarini ishlashda toshli kon massalarini (ochiladigan jinslar yoki ma’danlar) tashish uchun qo'llaniladi.

Vazifasi: konveyer transportini o'rnatishda kon-kapital ishlarining pasayishi, kar’er borti ishchi zonasining ortishi, navbatdagi qayta ortishgacha konveyerni bir marta qo'yish bilan ko'tarilish yuqoriligining ortishi, kar’erdan kon massasini ko'tarishda energiya sarfining pasayishi.

Foydali model’ mohiyati: Yirik bo'laklardagi toshli massa avtoag'dargichlar bilan qayta ortish punktiga keltiriladi. G'alvirlash va parchalash tufayli kon massasi o'lchami kichik o'lchamlargacha (300 mm dan oshmagan) kamayadi. Tayyorlovdan so'ng kon massasi yuk eltuvchi lentaga, keyin 15-18 gradus qiyalik burchagi ostida konveyerning o'tishli yassi zonasiga tushadi, kon massasiga rolikli siqib turadigan lenta qo'yiladi. Kon massasi siqilgan holda turadigan rolikli ikkita lenta quvur hosil qiladi. Bu kon massasining φ gradus qiyalikning umumiy burchagi ostida yuqoriga ko'tarilish (vertikal ko'tarilish balandligi h, bir qo'yish bilan) imkonini beradi. Kar’er yuzasida konveyerning tik qismi yoy bo'ylab joylashadi, bunda siquvchi lenta zarurligi kerak bo'lmaydi. Kon massasini qiyalama qism bo'ylab tashish davom etadi va u ombordagi konveyerga kelib tushadi. So'ngra kon massasi yuklar oqimini temir yo'l transportiga( masalan: dumpkarlarga) yuklab jo'natishni ta’minlovchi yuk tushirgich-yuk ortgichga tushadi. Temir yo'l bo'lmaganda ombordagi yuklar g'aramiga qo'yiladi. Ochishdagi oqim esa kar’erdan konveyerlar tizimi orqali ag'darmalarga yuboriladi.

Foydali modelning sanoatlashgan namunasi № FAP 00989 UZ O'zbekiston Respublikasi patenti bilan himoyalangan. «Nou – xau» mavjud. Texnologiyani berish faqat ruxsatnomali (litsenziyali) kelishuv bo'yicha amalga oshiriladi.