• Yaratildi: 07.05.2015
• Yangilandi: 03.12.2020
• O'qildi: 3016

Rels yo‘llarini kesib o‘tish. 5265 UZ –sonli patent

Qo‘llanilishi: transport qurilishi, aynan, relsli yo‘llar avtomobil yo‘llari bilan kesishgan joylarda kesishmalarni qurish, masalan, foydali qazilmalarni ochiq usulda qazib olishda katta yuk ko‘taruvchi avtomobil transportidan foydalanilganda.

Vazifasi: foydali qazilmalarni ochiq usulda qazib olishda konlarda ishlatiladigan katta yuk tashuvchi transportni, jumladan, 50 tonnadan ortiq yuk ko‘taruvchi avtoag‘darchilarni o‘tkazishda yuqori ekpluatatsion ishonchlilikni ta’minlaydigan relsli yo‘llar kesishmalari konstruksiyasini yaratish.

Ixtironing mohiyati: relsli yo‘l kesishmasining asosi, tayanch elementlari, shpallar, ularning ustiga yotqizilgan shpallarga qotirilgan relslar, va to‘shama plitalari kiradi. To‘shama plitalar relslar orasidagi bo‘shliqda, yo‘llar orasida va yo‘l chetida joylashgan. Asosi monolit yostiq ko‘rinishida, tayanch elementlari esa – paketlarga birlashtirilgan metall to‘sin(balka)lar ko‘rinishida qilingan. Metall to‘sinlarning pastki qismi yostiqqa monolitlangan. To‘sinlarning bo‘sh qismlari orasidagi bo‘shliq balast to‘kilib to‘ldirilgan.

Ixtiro texnologiyasi O‘zR 5265 UZ –sonli patenti bilan himoyalangan. “Nou-xau” mavjud. Texnologiyani faqat litsenzion kelishuv bo‘yicha berish mumkin.

Litsenziya olish bo‘yicha takliflar bilan murojaat uchun manzil: 210100, O‘zbekiston, Navoiy sh., Navoiy ko‘chasi, 27. Tel.: 998(79)2277206, r.usmanov@ngmk.uz