• Yaratildi: 07.05.2015
• Yangilandi: 03.12.2020
• O'qildi: 1473

Radial quyultirgich

Ixtiro suspenziyalarga tegishli bo‘lib, ruda quyqalarini va boyitish mahsulotini quyultirishda qo‘llanilishi mumkin.

Maqsadi – quyultirish samaradorligini oshirish, konstruksiyani soddalashtirish va mustahkamligini oshirish.

Taklif qilinayotgan quyultirgich kurakli mexanizmli korpusdan, quyqani yuklash va tushirish uchun qurilmadan, jalyuzili uvatgich (otboynik)dan, quyqani va flokulyantni yuklaydigan quvurlardan iborat. Quyqani yuklash qurilmasi gorizontal chig‘anoqsimon karnay ko‘rinishida yasalgan bo‘lib, quyultirgichning markazidagi kurakli mexanizm fermasiga o‘rnatilgan. Кarnay (rastrub) ichida quyqani flokulyant bilan aralashtirish uchun otboyniklar joylashgan.

Flokul hosil bo‘lishining yaxshilanishi va quyultirgichning markaziy qismida flokulalar cho‘kishi hisobiga uning unumdorligi 10-15 foizga oshadi.

Кalit so‘zlar: radial quyultirgich, flokulyant, ruda quyqalarining quyuqlashishi.

Ixtiro SU 1393448-sonli mualliflik guvohnomasi bilan himoyalangan. “Nou-xau” mavjud.

Texnologiyani litsenzion kelishuv bo‘yicha berish mumkin. Litsenziya olish bo‘yicha takliflar bilan murojaat uchun manzil: 210100, O‘zbekiston, Navoiy sh., Navoiy ko‘chasi, 27. Tel.: 998(79)2277206, r.usmanov@ngmk.uz