• Yaratildi: 07.05.2015
• Yangilandi: 03.12.2020
• O'qildi: 2728

Ruda, кonsentrat va shlamlardan oltin ajratib olish usuli

Rudali pulpa, konsentratlar va shlamlardan keyingi sorbentni texnologik oddiy regeneratsiya qilish bilan oltin ajratib olish usuli gidrometallurgiya zavodlarida joriy qilingan.

Oltin ajratib olish texnologiyasi maydalab uzatish yo‘li bilan dastlabki xom ashyoni sianlashni o‘z ichiga oladi.

Ruda, konsentrat va shlamlardan oltish ajratib olish usuli maydalangan pulpaga sian tuzi eritmasini maydalab yuborish yo‘li bilan dastlabki xom ashyoni sianlash, maxsus sorbent qo‘llash bilan oltin yutilishidan iborat.

Ixtironing texnik natijasi – taklif qilinayotgan usul ma’lum bo‘lgan texnologiyalarga nisbatan sorbent tiklanishi vaqtini 5-15 martaga qisqartirish, kimyoviy reagentlar sarfini kamaytirish va sorbent tiklanishida yuqori haroratli va termik ishlov bermaslik, nasoslar va berkitish armaturasi sonini qisqartirish hamda gidrometallurgiya korxonalarida usulni joriy qilishda kislotabardosh jihozdan foydalanishdan voz kechish imkonini beradi.

Undan tashqari, zaharli sianid kislotaning ajralmasligi xizmat ko‘rsatuvchi xodimlarning mehnati xavfsizligini sezilarli oshishiga olib keladi.

Texnologiya UZ IAP02487 patenti bilan himoyalangan.“Nou-xau” mavjud.>

Texnologiyani faqat litsenzion kelishuv bo‘yicha berish mumkin.

Litsenziya olish bo‘yicha takliflar bilan murojaat uchun manzil: 210100, O‘zbekiston, Navoiy sh., Navoiy ko‘chasi, 27. Tel.: 998(79)2277206, r.usmanov@ngmk.uz

Кalit so‘zlar: oltin ajratib olish, tiklanish (regeneratsiya), sorbent, yutilish (sorbsiya), oltingugurt ajralishi (desorbsiyasi).