• Yaratildi: 11.12.2024
• Yangilandi: 11.12.2024
• O'qildi: 46

OAV vakillari va jurnalistlar diqqatiga!

2024-yil 12-dekabr kuni soat 14:00 da Navoiy shahridagi “NKMK tarixi” muzeyida “9-dekabr – Xalqaro korrupsiyaga qarshi kurashish kuni”ga bag‘ishlangan Aksilkorrupsiya oyligi doirasida “Navoiy kon-metallurgiya kombinati” aksiyadorlik jamiyatining Markaziy apparati xodimlari va rahbariyati ishtirokida seminar-trening va “Ochiq eshiklar kuni” tadbiri o‘tkaziladi.

Mazkur tadbirlarda kombinat faoliyatidagi ochiqlik va shaffoflikni taʼminlash, korrupsiyaga qarshi kurashish borasida amalga oshirilayotgan ishlar, korrupsiyaga nisbatan murosasiz munosabatlarni shakllantirish hamda mavzuga oid boshqa masalalar yuzasidan ochiq muloqot, savol-javoblar bo‘lib o‘tishi rejalashtirilmoqda.

Ushbu tadbirlarda OAV vakillaridan tashqari, barcha hohlovchilar ham ishtirok etishi mumkin.

Sizlarni ushbu tadbirlarga taklif etgan holda, mavzuni OAVlar, sayt, ijtimoiy tarmoqlarda keng yoritishda hamkorlikka chorlaymiz!

Murojaat uchun telefon: +99879 227-77-13.

“NKMK” AJ Matbuot xizmati.