• Yaratildi: 12.12.2024
• Yangilandi: 12.12.2024
• O'qildi: 22

Xalqaro korrupsiyaga qarshi kurashish kuniga bag‘ishlangan “Ochiq eshiklar kuni” bo‘lib o‘tdi

“Navoiy kon-metallurgiya kombinati” aksiyadorlik jamiyati tomonidan “9-dekabr – Xalqaro korrupsiyaga qarshi kurashish” kuniga bag‘ishlangan Aksilkorrupsiya oyligi doirasida tadbirlar o‘tkazib kelinmoqda.

Xususan, bugun Navoiy shahridagi “NKMK tarixi” muzeyida korxona ishchi-xodimlari ishtirokida kombinat tomonidan o‘z faoliyati ochiqligini taʼminlash, korrupsiyaviy xavf-xatarlarning oldini olish va bartaraf etish, sohada korrupsiyaga qarshi kurashish zamonaviy tizimlarini joriy etish kabi masalalarga bag‘ishlangan targ‘ibot tadbiri o‘tkazildi.

Tadbirda O‘zbekiston Respublikasi Korrupsiyaga qarshi kurashish agentligining masʼul xodimi M. Rasulov, Tog‘-kon sanoati va geologiya vazirligi Korrupsiyaga qarshi ichki nazorat (komplayens-nazorat) bo‘limi boshlig‘i Sh. Sagdullayev, “NKMK” AJ bosh direktori o‘rinbosari Q. Taparov hamda Komplayens xizmati boshlig‘i R. Avezovlarning mavzuga oid maʼruzalari eshittirildi.

Kombinatda korrupsiyaga qarshi kurashish hamda ochiqlik va shaffoflikni taʼminlash sohalarida 2024-yilning o‘tgan davri davomida  amalga oshirilgan ishlar xaqida hisobot berildi.

Shu bilan birga, joriy yilda kombinatning Markaziy apparati“SERT International” xalqaro sertifikatlovchi tashkilot tomonidan o‘tkazilgan ikki bosqichli tashqi audit yakuni bo‘yicha ISO 37001:2016 “Korrupsiyaga qarshi kurashish menejment tizimi” xalqaro standart talablariga muvofiqligi tasdiqlandi va xalqaro sertifikat qo‘lga kiritildi.

Bugungi kunda kombinat faoliyatida ochiqlik va shaffoflikni taʼminlash, korrupsiyaviy harakatlarni oldini olish va bartaraf etishga katta eʼtibor qaratilayotganligi taʼkidlab o‘tildi.

“NKMK” AJ Komplayens xizmati.