• Yaratildi: 11.12.2024
• Yangilandi: 11.12.2024
• O'qildi: 68

Yer qaʼridan foydalanish, sanoat, radiatsiya va yadro xafsizligi masalalari muhokama etildi

Bugun “NKMK” AJ boshqarmasida O‘zbekiston Respublikasi Prezidentining 2024-yil 24-maydagi “Yer qaʼridan foydalanish, sanoat, radiatsiya va yadro xafsizligi hamda atom energetikasidan foydalanish sohalarida davlat boshqaruvi va nazorati tizimini takomillashtirish chora-tadbirlari to‘g‘risida”gi farmoni hamda Vazirlar Mahkamasinig 2024-yil 4-oktyabrdagi “O‘zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi faoliyatini tashkil etish chora-tadbirlari to‘g‘risida”gi qarori ijrosiga bag‘ishlangan o‘quv-seminari bo‘lib o‘tdi.

Videokonferensaloqa orqali bo‘lib o‘tgan seminarda Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi, qo‘mitaning hududiy boshqarmasi, Qizilqum kon-texnika inspeksiyasi, “Navoiy KMK” AJ bo‘linmalari va joylardagi studiyalaridan masʼul rahbar-xodimlar ishtirok etishdi.

Tadbir avvalida ishtirokchilar uchun Navoiy kon-metallurgiya kombinati faoliyati va yutuqlariga bag‘ishlangan videorolik namoyish etildi.

Shundan so‘ng “NKMK” AJ bosh muhandisi A.Ravshanov, O‘zbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi bosh boshqarmasi boshlig‘i O.Jo‘rayev, uning hududiy boshqarmasi boshlig‘i A.Nurullayevlar kun tartibidagi masalalar yuzasidan chiqish qilishdi.

Masʼullar tomonidan studiyalar va majlislar zalidan ishtirok etganlar savollariga javoblar berildi.

“NKMK” AJ Matbuot xizmati.