• Yaratildi: 07.11.2024
• Yangilandi: 07.11.2024
• O'qildi: 56

Navoiy mashinasozlik zavodida o‘quv seminari o‘tkazildi

“Navoiy kon-metallurgiya kombinati” AJda korrupsiyaga qarshi kurash borasida ishchi-xodimlarning huquqiy savodxonligini oshirish bo‘yicha tizimli ishlar olib borilib, korxona bo‘linmalarida tadbirlar tashkil etilmoqda.

Jumladan, Navoiy mashinasozlik zavodida ishchi-xodimlar uchun joriy yilning 5-iyun kuni qabul qilingan O‘zbekiston Respublikasining “Manfaatlar to‘qnashuvi to‘g‘risida”gi Qonunining mazmun-mohiyatini tushuntirish hamda kombinatda monopoliyaga qarshi komplayens tizimining joriy etilishi yuzasidan o‘quv seminari o‘tkazildi. Seminarda “NKMK” AJ Komplayens xizmati vakillari va zavod ishchi-xodimlari ishtirok etishdi.  

Shunigdek, zavod xodimlari ishtirokida raqobat to‘g‘risidagi qonunchilik hujjatlari talablarining buzilishini keltirib chiqarish mumkin bo‘lgan holatlarni bartaraf qilish hamda monopoliyaga qarshi komplayens tizimiga oid test sinovlari o‘tkazildi. 

“NKMK” AJ Matbuot xizmati.