• Yaratildi: 23.10.2024
• Yangilandi: 30.11.-0001
• O'qildi: 55

Zarafshon qurilish boshqarmasida o‘quv seminarlari o‘tkazilmoqda

“Navoiy kon-metallurgiya kombinati” AJda korrupsiyaga qarshi kurash borasida ishchi-xodimlarning huquqiy savodxonligini oshirish bo‘yicha tizimli ishlar olib borilib, korxona bo‘linmalarida tadbirlar tashkil etilmoqda.

Jumladan, Zarafshon qurilish boshqarmasida ishchi-xodimlar uchun joriy yilning 5-iyun kuni qabul qilingan O‘zbekiston Respublikasining “Manfaatlar to‘qnashuvi to‘g‘risida”gi Qonunining mazmun-mohiyati tushuntirish hamda kombinatda monopoliyaga qarshi komplayens tizimining joriy etilishi yuzasidan o‘quv seminarlari o‘tkazilmoqda. Seminarlarda “NKMK” AJ Komplayens xizmati vakillari va qurilish boshqarmasi bo‘linmalari mutaxassislari ishtirok etmoqda. Tadbirlarda “Manfaatlar to‘qnashuvi to‘g‘risida”gi Qonunga doir tarqatma materiallar tarqatilib, xodimlar o‘rtasida anonim so‘rovnomalar o‘tkazilmoqda.

Xususan, Zarafshon qurilish boshqarmasining buxgalteriya xodimlari ishtirokida bo‘lib o‘tgan tadbirda raqobat to‘g‘risidagi qonunchilik hujjatlari talablarining buzilishini keltirib chiqarish mumkin bo‘lgan holatlarni bartaraf qilish hamda monopoliyaga qarshi komplayens tizimiga oid test sinovlari o‘tkazildi. 

“NKMK” AJ Matbuot xizmati.