• Yaratildi: 03.10.2024
• Yangilandi: 04.10.2024
• O'qildi: 1275

“NKMK” AJ faoliyati samaradorligini oshirish dasturi amalga oshirilmoqda

Kombinat transformatsiyasi doirasida amalga oshirilayotgan 2023-2025-yillarda “NKMK” AJ faoliyati samaradorligini oshirish dasturi ijrosini ta’minlash maqsadida kompaniya mutaxassislari tomonidan Shimoliy kon boshqarmasidagi 3-gidrometallurgiya zavodi faoliyati samaradorligini oshirish chora-tadbirlari bajarilmoqda.

Xususan, kon boshqarmasi va “NKMK” AJ transformatsiya boshqarmasi xodimlari tejamkor ishlab chiqarish vositalaridan foydalangan holda, ma’dan maydalash sexida olib borilayotgan kapital ta’mirlash jarayonining tahlilini o‘tkazishdi. Ular tegirmonlarni kapital ta’mirlashdagi eng ko‘p vaqt talab etadigan jarayonning davomiyligini tahlil qilishdi.

Shuningdek, kapital ta’mirlashning joriy holati xaritasi ham tuzilib, unda qiymat va isrofgarchiliklarni keltiruvchi qadamlar belgilandi. Amalga oshirishning samaradorligi va murakkabligidan kelib chiqib, isrofgarchiliklarni kamaytirishga qaratilgan tashkiliy-texnik chora-tadbirlar ishlab chiqildi.

Buning natijasida, rejalashtirilgan kapital ta’mirlashlarda amalga oshirish uchun maqsadli eksperimental kalendar va tarmoq jadvali shakllantirildi.

“NKMK” AJ Matbuot xizmati.