• Yaratildi: 11.09.2024
• Yangilandi: 11.09.2024
• O'qildi: 1292

Temir yo‘l infratuzilmasi kengaytirilmoqda

“NKMK” AJ Markaziy kon boshqarmasi Temir yo‘l transporti boshqarmasida yangi temir yo‘llar qurish, mavjud liniyalarni rekonstruksiya, yuk hamda yo‘lovchi tashish transportini modernizatsiya qilish yuzasidan qator loyihalar amalga oshirilmoqda.

Xususan, ishlab chiqarish xarajatlarini kamaytirish maqsadida uch kilometr masofada yangi temir yo‘l yotqizilib, “Bessopan” sanoat maydonida “Sharqiy Muruntov” stansiyasi ishga tushirildi. Natijada ilgari 2-gidrometallurgiya zavodiga shag‘al Zarafshon shahridan tashilgan bo‘lsa, ayni paytda “Sharqiy Muruntov” stansiyasidan tashib berilmoqda. Tashish masofasining sezilarli qisqarganligi bois, 2024-yilning yetti oyida 3,9 mlrd. so‘mdan ortiq mablag‘ iqtisod qilindi.

Hozirgi kunda temir yo‘lchilar tomonidan 12-temir yo‘l yo‘nalishida rekonstruksiya ishlari bajarilmoqda. Bu ishlar noyabr oyida yakunlanib, qo‘shimcha 2,2 kilometr uzunlikda yangi temir yo‘l yotqiziladi. Bu esa kelgusida temir yo‘l transporti orqali 3-relsoldi ma’dan yuklash uzelidan Oltinni uyumda eritmaga o‘tkazish sexiga yiliga 12 mln. tonna ma’dan tashishni yo‘lga qo‘yish imkonini beradi.

Temir yo‘l transporti sohasida amalga oshirilayotgan ishlar kombinat yanada rivojlanishiga xizmat qilishi bilan alohida ahamiyatlidir.

“NKMK” AJ Matbuot xizmati.