• Yaratildi: 20.08.2024
• Yangilandi: 20.08.2024
• O'qildi: 1176

Uchuvchisiz uchish apparati markshyeydyerlik xizmatini yangi bosqichga olib chiqadi

Navoiy kon-myetallurgiya kombinati marksheyderlik xizmati mutaxassislari ilk bor uchuvchisiz uchish apparati yordamida konlarning raqamli modelini yaratish uchun aerofototasvirga olish usulini qo‘lladilar.

Bu vazifaning sifatli bajarilishini ta’minlash maqsadida yaqinda marksheyderlik xizmati uchun zamonaviy uchuvchisiz uchish apparati xarid qilingan edi. Mazkur apparat uchun ruxsat beruvchi hujjatlar rasmiylashtirilib, uni boshqarish uchun 5 nafar mutaxassis o‘qitildi.

“NKMK” AJ bosh marksheyderi Shuhrat Sadinov ta’kidlaganidek:

“Konlarda uchuvchisiz uchish apparatlaridan foydalanish dala ishlarini bajarish vaqtini qisqartirish bilan birga marksheyderlik tasvirlari, ma’lumotlarining tezkorligi, to‘liqonligi va aniqligini oshiradi. Shuningdyek, ushbu zamonaviy uskuna orqali konlardagi xavfli hududlarni masofadan nazorat qilish hamda joyning raqamli topografik rejasi va raqamli modelini olish imkonini beradi.

Zamonaviy texnologiyalarni o‘zida mujassam etgan ushbu innovatsion yechim raqamli ma’lumotlarni tez, aniq va samarali olish uchun xizmat qiladi.

“NKMK” AJ Matbuot xizmati.