• Yaratildi: 16.08.2024
• Yangilandi: 16.08.2024
• O'qildi: 821

Transport sohasi yangi bosqichda

Bugun jahonda oltin ishlab chiqaruvchi kompaniyalarning qimmatbaho metallar ishlab chiqarish hajmini oshirish transport vositalaridan unumli foydalanishi va doimiy yangilanib borishiga bog‘liq.

Navoiy kon-metallurgiya kombinatida ham keyingi yillarda sohaga qaratilgan aniq chora-tadbirlar amalga oshirilayotganligi natijasida jahon oltin ishlab chiqaruvchi kompaniyalari orasida yuqori o‘rinlarni zabt etmoqda. Korxona ma’dan qazib olishdan tayyor mahsulot ishlab chiqarishgacha bo‘lgan yagona tizimni mujassam etgan sanoat klasteridir. Bu yerosti boyliklarini muvaffaqiyatli o‘zlashtirish, raqobatbardosh mahsulotlar ishlab chiqarish imkonini yaratmoqda.

Hozirgi kunda transport sohasida 10 mingga yaqin ishchi-xodim mehnat qilayotgan bo‘lsa, ular tomonidan boshqarilayotgan 4 mingdan ziyod turli rusumdagi avtotransport vositalari va mexanizmlar ishlab chiqarish rejalarini bajarishga safarbar etilgan. Bundan tashqari, kombinat tasarrufida temir yo‘l transporti sohasiga ixtisoslashgan 1 ta boshqarma va 2 ta temir yo‘l sexi mavjud.  Kombinat balansidagi temir yo‘llarning umumiy uzunligi 450 kilometrdan ortiq. Yuklar va yo‘lovchilarni tashish ishlariga 54 ta magistral va manyovr teplovoz, 882 ta yuk tashish va 17 ta yo‘lovchi tashish vagon jalb qilingan.

Transport sohasi xodimlari tomonidan joriy yilning o‘tgan olti oyida 142 mln. kubometrga yaqin tog‘ jinslari tashilib, bu boradagi reja 105 foizga bajarildi.

“NKMK” AJ Matbuot xizmati.