• Yaratildi: 14.05.2024
• Yangilandi: 14.05.2024
• O'qildi: 1505

Kombinat rahbariyatining navbatdagi qabuli o‘tkazildi

Aholi bilan ochiq muloqot qilish, ularning muammolarini aniqlash va bevosita joyida hal etish maqsadida Navoiy kon-metallurgiya kombinati rahbariyati – “NKMK” AJ bosh muhandisi A.Ravshanovning navbatdagi qabuli kombinat boshqarmasida o‘tkazildi.

Qabulda ish bilan taʼminlash, qurilish uchun yer ajratish, tibbiy anjom sotib olish uchun moddiy yordam ajratish, davolanish va uy sotib olish uchun boshlang‘ich badal miqdorini to‘lash uchun moddiy yordam ajratish, sportni rivojlantirish uchun homiylik yordam ko‘rsatish, ish joyini o‘zgartirish kabi masalalar yuzasidan qariyb 20 nafar fuqaroning murojaatlari ko‘rib chiqildi.

Fuqarolarning ish bilan taʼminlash bo‘yicha murojaatlariga kombinatda tanlov asosida ishga qabul qilish tizimi joriy etilganligi, unga ko‘ra murojaatchilar sinov imtihonlarida ishtirok etishi va o‘tkazilgan sinov jarayonida to‘plagan ball natijalari asosida ishga joylashish masalasi o‘rnatilgan tartibda ko‘rib chiqilishi to‘g‘risida tushuntirishlar berildi.

Mazkur qabulda murojaatlarning bir qismiga o‘z joyida yechim topilgan bo‘lsa, qolgan murojaatlar atroflicha o‘rganish va asoslantirilgan javob berish uchun tegishli mutasaddilarga yo‘naltirildi.

“NKMK” AJ Matbuot xizmati.