• Yaratildi: 10.05.2024
• Yangilandi: 10.05.2024
• O'qildi: 1534

Biz korrupsiyaga qarshimiz

Navoiy kon-metallurgiya kombinatida korrupsiyaga qarshi kurash siyosati qabul qilingan bo‘lib, uning ijrosi bo‘yicha tizimli ishlar olib borilmoqda.

Korxona bo‘linmalarida ishchi-xodimlarning huquqiy savodxonligini oshirish bo‘yicha tadbirlar tashkil etilmoqda. Jumladan, Markaziy kon boshqarmasida “Odob-axloq qoidalari”, “Biz korrupsiyaga qarshimiz” va “Ogohlik davr talabi” mavzularida o‘quv-seminar o‘tkazildi.

Seminarda Zarafshon shahar ixtisoslashtirilgan prokurori A.Jumayev, “NKMK” AJ Komplayens xizmati vakillari, Markaziy kon boshqarmasi mutaxassislari tomonidan mavzularga oid maʼruzalar qilinib, mamlakatimizda korrupsiyaga qarshi kurashish bo‘yicha olib borilayotgan amaliy ishlar va kombinatda xodimlarning Odob-axloq kodeksiga amal qilishi to‘g‘risida fikr-mulohazalar bildirildi.

- Bunday targ‘ibot tadbirlari,  hayotiy misollarga asoslangan maʼruzalar biz, yoshlarni korrupsiya va uning salbiy oqibatlari haqida xabardor etib, ogohlik, odob-axloq qoidalariga amal qilishga chorlab kelayapti, - deydi Markaziy kon boshqarmasi yoshlar yetakchisi Saodat Boboyorova. - O‘ylaymanki, tadbirlarda maslahat va daʼvat ruhidagi chiqishlarni tinglagan va har qanday jinoyatga jazo muqarrarligini chuqur anglagan inson birinchi navbatda hushyor bo‘ladi, har xil yo‘llarga kirib ketishdan o‘zini tiyadi. Bugungi tadbirda yoshlar bu haqida yana-da ko‘proq maʼlumotlarga ega bo‘ldi.   

Shuningdek, tadbirda ishchi-xodimlar o‘rtasida savolnoma o‘tkazilib, mavzularga oid videorolik namoyish etildi.

“NKMK” AJ Matbuot xizmati.