• Yaratildi: 25.04.2024
• Yangilandi: 25.04.2024
• O'qildi: 2251

“NKMK” AJ delegatsiyasi “JP Morgan Markets Conference” anjumanida ishtirok etdi

25-aprel kuni Toshkent shahrida xalqaro moliya institutlari vakillari va xorijiy investorlar ishtirokida kapital bozori sohasidagi dolzarb mavzular, “J.P. Morgan” banki va O‘zbekistonning moliya institutlari o‘rtasidagi hamkorlikni rivojlantirish istiqbollarini muhokama qilish maqsadida “JP Morgan Markets Conference” anjumani bo‘lib o‘tdi.

Anjumanda bosh direktorning transformatsiya masalalari bo‘yicha birinchi o‘rinbosari Ye.Antonov, bosh direktorning iqtisod va moliya bo‘yicha o‘rinbosari J.Hasanovlar tarkibidagi “Navoiy kon-metallurgiya kombinati” AJ delegatsiyasi ham ishtirok etdi. Shuningdek, ular tomonidan bank vakillari bilan alohida uchrashuv o‘tkazilib, ikki tomonlama hamkorlik imkoniyatlari muhokama qilindi.

Uchrashuv yakunlari bo‘yicha tomonlar kelgusida muloqot va hamkorlikni yanada rivojlantirishga tayyor ekanliklarini bildirdilar.

“J.P.Morgan Chase” – AQShning ikkita yirik banki (“JP Morgan” va “Chase Manhattan Bank”) qo‘shilishi natijasida tashkil topgan Amerika moliyaviy xolding kompaniyasi. Bankning bosh qarorgohi Nyu-Yorkda joylashgan. Faoliyatining asosiy yo‘nalishlari – investitsiya, jismoniy shaxslar va kichik biznes uchun moliyaviy xizmatlar, tijorat xizmatlar, moliyaviy operatsiyalar va aktivlarni boshqarish.

“NKMK” AJ Matbuot xizmati.