• Yaratildi: 03.04.2024
• Yangilandi: 03.04.2024
• O'qildi: 3080

“NKMK” AJ Boshqaruv kengashining navbatdagi yig‘ilishi o‘tkazildi

Kombinat boshqarmasida “NKMK” AJ Boshqaruv kengashining Transformatsiya dasturini amalga oshirish bilan bog‘liq muhim masalalar muhokamasiga bag‘ishlangan navbatdagi yig‘ilishi bo‘lib o‘tdi.

Yig‘ilishda kombinat rahbarlari va mutaxassislari, Boston Consulting Group (BCG) kompaniyasi vakillari ishtirok etishdi. 

Muhokama davomida BCG vakillari ko‘magida kombinat xodimlari tomonidan amalga oshirilayotgan Transformatsiya dasturi chora-tadbirlarini operatsion samaradorlik va raqamlashtirish bo‘yicha bajarishning oraliq natijalari taqdim etildi. Dasturning asosiy yo‘nalishlari va amalga oshirish uchun tasdiqlangan loyihalar ko‘rib chiqildi. 

Boshqaruv kengashi tomonidan Transformatsiya dasturini samarali amalga oshirish va belgilangan maqsadlarga erishish uchun korxonaning sohaviy mutaxassislarini keng jalb etgan holda loyihalar bo‘yicha ishlarni davom ettirishga qaror qabul qilindi.

Boshqaruv kengashi – “NKMK” AJ transformatsiyasi maqsadi va vazifalarini belgilash, strategiyasini shakllantirish va tasdiqlash hamda uning doirasidagi loyihalarni amalga oshirish, shuningdek, transformatsiya ishlari natijalarini baholash va qabul qilishga masʼul bo‘lgan maxsus tashkil etilgan organ.

Boston Consulting Group (BCG) – boshqaruv konsaltingiga ixtisoslashtirilgan xalqaro kompaniya.

“NKMK” AJ Matbuot xizmati.